Kum 2008-a Aizawl Bazar Corps sipai chhungkua leh mimal, Department missionary chawm nana thawh zat

1 Pu C. Thangkima CSM - Rs. 1,20,000.00

2. Pu TH Vanlalreia CS   - Rs. 24,000.00

3. Pu C. Darkunga CT - Rs.  18,000.00

4. Major PC Thansanga   - Rs. 12,000.00

5. Pu Robert VL Thlamuana   - Rs. 24,000.00

6 Pu Lalnunthara   - Rs. 12,000.00

7 Pu JH Hrangthanga - Rs. 18,000.00

8. Nl. Lalchhuanawmi - Rs.  6,000.00

9. Tv. David Lawmzuala - Rs. 6,000.00

10. Senior Corps - Rs.  78,000.00

11. Home League   - Rs. 24,000.00

12. Young People Corps   - Rs.  24,000.00

13. Salvation Army Youth - Rs. 36,000.00

..................................................................................................................................................

TOTAL - Rs. 3,90,000.00

..................................................................................................................................................

CAREER GUIDANCE PUALA INKHAWM NEIH A NI

Ni 19th Jan.09 : Thawhtan zan SAY inkhawm chu Career Guidance anga hman a ni. Steve Lalthantluanga’n inkhawm a kaihruai a, John L.T. Sanga hnen atangin ‘Career Guide’  lam hawi zawng thuchah ngaihthlak a ni.

Hemi zan hian SAY member, Class-X pass chin atanga Master Degree nei tawhte tana hnathawh awm chi leh tha eizawnna ngialnghet neih theihna tur, inhriattirna leh inkawhhmuhna te neih a ni.. Hun changtu Tv. Johna’n thalaite tana hnathawh awm chi, chi hrang hrang dil dan leh dil thei chinte bithliahna fel taka siamsa chu inkhawm zawng zawngte  a sem vek a, chuta tanga zawhna awmte chhangin, SAY member te nen Career siamna atana pawimawhte sawihona hun tha tak neih  a ni.

SAY member, hnathawk tawhte atangin Indian Army a luhdan te, Police lama luh dan te, sumdawnna kawng hrang hrang leh sorkar hna lama luhdan leh inbuatsaih dan tur te ngaihthlak a ni bawk a, thalaite chu awm mai mai lo tur leh kan phak ang tawk zela hnathawk tur kan nih zia leh kan zirna, eizawnna kawng engkim hi Pathian tih leh ring chunga kan tih chuan hlawhtlinna kan hmu thei a ni tih thu kan ngaithla.

   Pathian tih hi finna bul a ni a, khawvel thiamna lamah chhuan tur kan nei lo anih pawn Amah kan tih a, A thu kan zawm a, a malsawm tlak a kan nun phawt chuan eizawnna a ni emaw, zirna lamah a ni emaw, kohhran a kan rawngbawlna kawng thlengin kan hmuingil anga, harsa lutuk leh mite hmuhsitin kan awm ngai dawn lo a ni tih thu kan ngaihthlak chu SAY member-ten tha kan ti a, kan hlawkpui bakah zawngchhang tlak kan ti hle a ni.

    Hemi zana thu kan ngaihthlak leh member-ten an tawnhriat hrang hrang an sawi atang khan zirlai nih lai leh kan thatlai hun ah hian Kohhran/Thalai  rawngbawlna hrang hrang leh thiltih na a tel hi fail leh hlawhchham phahna a ni ber lo tih kan hria a, phak ang tawk a in hmang ve hram hram thin te chuan Pathian malsawmna dawngin an zirlai ah leh an eizawnna lamah hlawhtlinna an hmu thin tih kan hria a, Kohhran/Thalai a inhman hi kan zirlai leh eizawnna lama  min tibuaitu nilovin malsawmna min thlentu an ni zawk a ni tih chiang takin kan hria. ‘A ram leh a felna chu zawng hmasa la chutichuan i thinlung duhzawngte chu a pek belhchhah ang che ’.

BAZAR CORPS ROVER SCOUTS NEWS

11.01.2009 (SUNDAY), Dar 2 : 30 P.M khan Rover Scouts Leader Pu K.Rothanga.Dist.Commissioner (Scouts) chuan member pali(4) lawmluhna R.M.Hall Complex-ah a nei. Member tharte chu Tv.Ngurchhuanthanga, Tv.Phillip Lalrinpuia, Tv.Michael  Lalrinsanga leh Pu Council Ruala te an ni.

Kum  2009 chhunga hruaitu turte thlanna chu Major Vanlalhuma leh Nl.G.Laldinthari te kaihhruaina hnuaiah  neih ani a, hetiang hian member ten hruaitu tur an thlang chhuak ani.

Leader : Pu K.Rothanga, 

District Hqtr.Commissioner (Scouts)

Asst Leader: Pu P.C.Lalchhandama

Secretary : Tv. David Lawmzuala

Asst Secy: Pu V.R. Hmachhuana

Tresurer : Pu K.Zohmingthanga

Sr. Rover Mate : Pu K.Thangkhuma

Rover Mate: Pu C.Lalbiakmawia

First Aid  i/c: 1) Pu K. Vanlaltlana, St.John Ambulance

2) Pu J. Laldawngliana

Qtr.Master: Tv. S. Lalrengpuia

Chaplain : 1. Major Vanlalhuma, C.O,Bazar C.O Bial

2. Major.Dr.S.T.Dula, D.C, Southern Div.

Scouts Member atanga mi chhuanawm bikte

1. Pu K. Rothanga, Leader Bazar Corps Rover Scouts chu District Hqrs. Commissioner (Scouts) nihna thar pek a ni.

2. Pu J.Laldawngliana, Dawrpui Vengthar Corps chu 34th National Games lo awm tur atan National Coach ( karate) ah ruat ani. Amah hi 3rd Dan Blackbelt ani bawk.

3. Pu V.R.Hmachhuana,Temple Corps chuan Dawrpui Y.M.A Branch ah kum zawnin O.B tum thumna a chelh mek a ni. 

4. Major. Dr.S.T. Dula, D.C, Southern Division chu Pathian Thu zirna lamah Doctorate Degree pathum (3) hlan a ni tawh bawk.

S.A.Y ACTION PLAN 2009 PEIH FEL A NI TA

Ni 10 January, 2009 khan Bazar Corps SAY ten kum 2009 chhunga rawngbawlna leh hmalakna tur hrang hrang relin SAY Council member te an thukhawm a. Kum 2009 budget atan Rs. 1,79,850.00 chu pawm a ni. 

2009 SAY Budget :-  Pu C. Lalthlamuana, Fin. Secy in 2009 atana propose budget a rawn siam Rs.1,79,850.00 ( Cheng nuaikhat sing sarih sangkua zariat sawmnga) chu lungrual taka pawm a ni.  (2008 a budget  1,55,800.00 chu  kumin ah hian 1.5% in tihpun ani.)

Incharge hrang hrang te action plan leh budget 

1) Drama :-    In charge Nl. Judy Lalfakzuali hnen atang in Budget leh action plan a rawn duan te chu sawiho a ni a,  Kum 2009 chhung hian “Workshop on Drama/Skit/Worship Dance leh   Music & Art Show, 2009 neih tum a ni. Budget - Rs. 3000.00

2) Social & Community :-  In charge Nl. G. Laldinthari hnen atangin action plan ngaihthlak a ni a. Kum 2009 chhung hian Home League - Senior Corps - Youth Meet te; Outing - Nature watch te; mi harsa te tanpui nan Fund raising  leh free clinic neih te; Green Day hman te;  Awareness campaign on Adolescent period, alcohol, Teenage Suicide Prevention; Human Trafficking; Correct information on sexuality neih te; mithiam sawma Career Guidance Nite neih te; Street visit te leh SA Home visit te neih tum a ni. Budget -17500.00

3) Music :-  In charge Tv. M.S Dawngzuala‘n hmalak dan tur a ruahman chu sawi ho a ni a. Kum 2009 chhung hian   Solfa camp neih te; inkhawma hla hruaitu, hla chang sawitu leh instrument tumtu ruat te; mi 2 tal music zir tura sponsor te; Standing choir neih te leh Sound mixing training bial huapa neih te tum a ni a. Music instrument Keyboard thar, Compressor thar leh Electric Guiter  thar lei tum a ni bawk. A tul angin Senior Corps-ah thlen a ni ang. Music instrument leh sound system kan hmanlai mek ho hi repair a ni bawk ang.

Budget :-  7,000.00

Project :- 85,000.00

Sound System  Incharge turin Tv. Lalthlamuana Sailo(Mama) leh Tv. M.S Dawngzuala, Music i/c te ruat an ni.

4) Evangelism :-  Kum 2009 chhunga Evangelism lama hmalak dan tur chu In charge Tv. Nelson Lalthanpuia Sailo hnen atanga ngaihthlak a ni leh a. Kumin hian  Retreat/Bethel neih, SAY Summer Praise Outreach at  Fatakkapur neih leh Mual Inkhawm a tam thei ang ber neih tum a ni a. SAY Winter Praise pawh neih ngei tum a ni. Budget - Rs. 17,500.00

Project for Outreach - Rs.1,00,000.00

5) Games & Sport -  In charge Tv. S. Lalrengpuia’n action plan a rawn siam angin 2009 chhung hian  Charity Sports, Corps dang nena neih leh Corps level Winter sports Week neih tum a ni.

Budget - Rs. 4,000.00

6) Literature :- In charge Tv. Victor M.S Dawngliana ruahman angin 2009 Salvationist tihchhuah tum a ni a. Editorial Board pawh siam nghal a ni a. Library pawh hawn a ni ang. Website pawh regular taka update chhunzawm a ni ang.

Brigade inelna atan Quiz Competition Games & Sport i/c te nen tangkawpa huaihawt tum a ni a. Literature Nite hman a ni bawk ang.

    Budget -  4000.00

5) Asst. In charge -   Drama i/c  in Assistant atan Nl. Lalthianghlimi ruat a ni a. Asst. Social & Community i/c atan Pu Peter Lalthasiama ruat a ni bawk.

Kum 2009 atan SAY Adviser atan Tv. John L.T. Sanga ruat a ni.

Kumthar lawm dan Report

Ni 31.12.08 zanlai inkhawm (Midnight Service) ah CO Maj. Vanlalhuma kaihhruaina hnuaiah Sipaiten inhlan tharna leh mimal thutiam tharlehna (New Year Resolution) neihna hun urhsun taka hman a ni a. Kum 2009 chhunga khawvel pum huap Salvation Army thupui “Intithianghlim Reng Rawh” tih chu hawnna neih a ni. Kum 2009, Bazar Corps a Inkhawmna hmasaber chu Ni 1.1.09 Dar 11:00 am ah RM Hall ah neih niin, Commissioner Lalkiamlova te nupa hnen atangin Pathian thuchah ropui tak ngaihthlak a ni. Inkhawm ban hnu hian kum thar chibai in buk tawn pahin thingpui ruai tui tak theh a ni.

Ruaitheh Ni 

Bazar Corps hruaitute leh Festival Committee ten rem hre takin Kumthar Ni-a ruaitheh chu mi tam zawkte men rei tuk te anih avangin Corps mi leh sa te leh ruaithehtu ten kan ei tui loh leh kan tlai tawk loh an hlauh avangin leh Fatu te pawh hah lutuk lova mipui tana ruai tui tak an buatsaih theihna anih zawk beiseiin Ni 2nd Jan ‘09 ah ruaitheh a ni. 

Bazar Corps Kan Va Hlim E

Ruaitheh hma in SAY bul tumin intihhlimna hun chawhnu Dar 2 atangin biakin sak lai ah neih a ni a, Host zei leh nalh tak Nl. Dik Diki’n a zir bawk a, programme tan phat atangin boruak a alh nghal a ni ber mai. CR naupangten lam hmuhnawm tak min entir hnu in Upa zawk te tan pawh awm hle hle a har aniang, Tv. Nelson-a a pawl ten!! group thum a in thenin Action song (Make a Melody) hmuhnawm tak hmangin mipuite min nuihtir, tum a harsa. Chutah le..Tv. Sang bera’n aw ring takin RM Hall leh a chhehvela awm ruaitheh tur ho, ‘I Tlai A nge’ tih hla hmangin a han zai khum mai chuh!! Mipui kan tlankhawm, lam lo a awm theih ta loh, Home League ho pawh an awm hle hle thei ta lo, a bukin an bu suau suau a ni ber mai. A chang zawng zawng aia rei a thunawn a lak nawn hnu-ah pawh a tawp hleithei tawh lo...Sangbera a chauh thleng rawk a zai hnu-ah Mizo Hnamlam zinga mawi ber pawl Cheraw kan ropui leh hmuhnawm kan DYS Capt. Saitluanga hnen atangin kan thlir a tum khat a ke an khawn sak tih loh chu a zei zia leh hneh sawh zia chu hmuh theihin a awm, a mau tih loh chu!! Mipuiten lan an la kham lo lutuk zualpui tih reh nan Tv. Renga leh Tv. Malawma ho in a saptawng takin kan han ROCK leh ta a leh...Pu Reia nge bu nasa Pu Chianghnuna, Pi Rodingi nge in bin nasa Tv. Larry-a, Pu Darkunga nge Nl. Athani in vawrh sang zawk a hriat hran tawh loh. Kumtluan a min hruaitu Pathian vangin Bazar Corps kan hlim a ni. Choka lam atangin sa rim in min lo ur chhen tawh nen mimal anga item neih theih a ni ta lo, ‘Vai Lam’ a ngai tawh a thut theih lova a din theih hek loh, mahni thiam dan dan Chheih, HeadBang, Punjabi bhangra, Pem Thum Lam leh Break Dance, a va inpawlh nasa tak...fatu ho an mangang, ruaitheh tur awm lovin mipuite an lam tlaivar mai ang tih an hlauhthawn ruk rum rum hnu in, kham lo takin intihhlimna hun chu Commissioner Chianghnuna’n Tawngtaina in a khar a. Festival Committee leh Fatu hote thawhrimna, inpek na leh taihmakna a zarah kum dang zawng aia tui chaw leh sa, chawtani leh chawhmeh neuh neuh nen Kumthar ruai chu theh a ni.

SAY Annual Closing 2008 neih a ni

Bazar Corps SAY Annual Closing leh Council vawi 16-na chu ni 28.12.08 (Pathianni) chawhnu dar 2:30 khan SAY Office ah neih a ni a, kumin chhunga rawngbawlna hrang hrang thlirletna leh incharge hrang hrang te hnen atangin report ngaihthlak a ni a, kumin chhunga Pathian kaihhruaina avangin Pathian hnenah kan lawm em em a ni.

He Annual closing hi Pu Robert V.L. Thlamuana, Leader/Chairman in thuhmahruai  sawiin kumin chhung ah kan rawngbawlna a malsawmna tamtak kan dawn avanga a lawmthu a sawi a, Pathian hnena lawmthu sawi tawngtai rualna neih a nih hnuin thurel tan nghal a ni.

 Incharge hrang hrangte hnen atangin kan rawngbawlna te ngaithlak a ni a, hetiangin-

1) Drama - Drama in charge in kumina Drama lama kan rawngbawlna te sawiin action plan  a tam zawk tih theih a nih thu ngaihthlak a ni. a, Worship dance leh Skit hi kumin chhung in rawngbawlna hmun hrang hrang ah vawi 9 neih ani a, DDK ah leh AIR ah te programme neih a ni bawk. Music & Art Show hi tihpuitlin loh a ni a, heihi kumthar ah tihpuitlin tum a ni.

2) Music - Music in charge in kumin chhung hian tum 18 lai zaipawla rawngbawlna neih te,  thlatin a inchhawka  Musicians tura ruat an nih thu te ngaihthlak a ni a, , Member te inpekna ah lawmthu  a sawi  bawk. Music i/c leh MSACS te hmalakna in Silver Ring Night hman a ni a, hetah hian mipat hmeichhiat kawnga thianghlim tura intiamna hun tha tak hman a ni. 

3) Literature - Literature in charge a awmloh avangin Nl. R. Lal-remtluangi, Asst. In charge in kumin chhunga Literature lama hmalakna te a report a, Literature ah pawh nasa takin hma kan sawn ani. Salvationist chanchinbu pawh kumtluan in vawi 52 tihchhuah thei anih avangin lawmthu a sawi a, Editorial Board Member te’n duh angin tawiawmna an dawn thatloh thu leh kumthar ah chuan intawiawmna tha zawk a beisei thu pawh tarlan ani a, Chanchinbu hi copy 180(150+30 free) vawi-khat chhut ah hian tihchhuah ani.  Kumin hian website thar kan nei bawk a, Tin, Salvationist hi kumin chhung khan ba in a kala, hei hi bial neituten a man khawn chungchang ah thahnem ngai lehzual zawk a kalpui tawh nise kan ti bawk. Tin kan chanchinbu hi mi tamtakin an chhiar avangin lawmthu kan sawi ani. Advertisement pawh tih zel nise kan ti. 

4) Evangelism :-  In charge a awm loh avangin Leader in report a pe a, kumin ah Evangelism lam rawngbawlna ropui tak tak kan dawng a, Pathian malsawmna tamtak kan dawng a, heng avang te hian Pathian hnen ah lawmthu kan sawi ani.

5) Social & Community - Social & Community in charge in kumin chhunga kan rawngbawlna te Social & community bik report a pe a, action plan zawng zawng pawh tih hlawhtlin vek a ni bawk.

6) Games & Sport -Games & Sport in charge in kumin chhunga  Sport lama action plan kan neihte Pathian kaihruaina in tihhlawhtlin vek anih thu a report a.  Kumin a kan sport hi kan hlim ber tum leh kan nuih nasat ber tum a la ni hial ang. Sport closing pawh hlimawm taka hman ani bawk.

Report  ngaihthlak  a nuam in hlawhtlinna tam tak kan  hmu a, action plan kan neihte tih-hlawhtlin ani.

CHRISTMAS 2008 HLIM TAKA HMAN A NI

Kum bul atanga kan nghahhlelh em em christmas chu hlim leh tluang taka hman a ni. Bazar Corps a sipaite chuan ni 24 zan atangin programme duan lawk anga inkhawmna hun hman a ni a. Ni 25 chu Pathian ni anga hmangin inkhawmna hun nuam leh zangkhai tak hman a ni a, hetah hian zaipawl hrang hrang Over sixty Club, Home Leaque, SAY, Corp Cadet , YP leh CR ten an nei, Commanding Officer Maj. Vanlalhuma hnen atangin sermon ngaihthlak a ni bawk. Hei bakah hian CR te hnen atangin Christmas Drama hmuhnawm leh thinlung khawih tak en a ni bawk. Inkhawm banah thingpui ruai tuihnai tak thehin corps mipui zawng zawng ten thingpui inhona an nei. Tin, zan lamah inkhawmna hun nuam tak hman leh a niin he hunah hian item benglut tak tak hmuh leh ngaihthlak a ni a, mimal zai te leh sermon Pu TH Vanlalreia, Corp Secretary hnen atangin ngaihthlak a ni. Zaikhawm thawm pawh a tha thei hle. Ni 26 ah ruai theh a ni a, he hunah hian vawk pum talh a niin bawngsa, arsa leh sangha te hmanga ruai hi theh a ni. Kristmas ruai theh ni hian fatu ringawt pawh mi 105 lai an ni a, Kristmas ruai hi mi 400 bawr velin theh a ni. Ni 26 zan hian Pu Pazawna W/S hnen atangin sermon ngaihthlak a ni a, inkhawm thawm pawh a tha in zai pawh a tui thei hle.