Report by - Secretary, League of Mercy, Bazar Corps.
Aizawl Bazar Corps League of Mercy chuan Ni 28.May, 2009(Ningani) zan khan CO Quarter-ah mi tanpui ngaite tanpui dan tur leh damlo tlawh dan tur an rel a, an thurelte chu :-
1. Civil Hospital-a Poor Fund atan pawisa Rs.1000.00 pek a ni ang. Damlo Hospital-a awm harsa zualte zawn chhuah a, a tul anga tanpui tum a ni bawk.
2. Pi Runkailovi, Phunchawng Corps a mi, hmeithai chu thlatin Rs.300.00 tanpuina pek a ni ang.
3. Damlo te tlawh a, tawngtaina neihpui thin a ni ang.
Hemi zan hian Special Fund chhiar a ni a, sum lut zawng zawng chu Rs.8700.00 a ni. Thilpek lut te hi Maj. Vanlalhuma’n Pathian hnen a hlanna a nei a, ui lova midangte tanpui nana thilpek petu member zawng zawngte chungah lawmthu kan sawi a, Envelope la pe remchanglo te tan pawh la pek theih zel a ni a, thilpek petu zawng zawng Lalpan malsawm che u rawh se.
Wednesday, June 10, 2009
S.A.Y NATURE WATCH
Thalai ten ruahmanna kan lo siam tawh bawhzui nan Nature Watch chu May Ni 30 khan Tanhril, Sports & Youth Services Centre ah neih a ni. Items chi hrang hrang, Mapping, Bible Study, Awareness on Deforestation & Forestation, Ram hmul damdawi inhriatsiak, Thing hming leh a thatna inhriatsiak leh On the Spot Poetry Writing Competition neiin hun hlimawm tak hman a ni.
Mapping: Ramrikawn atanga Centre hi ke a kal tur anih avangin, hemi ni hian member panga kal hmasain Tanhril khawdai atangin Brigade flag phun chhoh a ni a. Flag phun na ah hian Brigade tin tan hian tih tur phum ruk vek a ni a. A hahthlak bakah a hlimawm hle bawk a ni.
Bible Study: Bible Study hi Nl. Ellen Lalengzuali, SAY Secretary in min kaihruai a, Genesis 1:28, 2:15 leh Rom 8:18 atangin zirho na kan nei a. Paper-te a rawn buatsaih bawk. Thingkung hlim hnuaia Bible study kan neih te kha a lo nuam danglam hle mai, kan chhehvel thing leh mau leh thereng te pawhin an lo ngaithla ve tlat te hian a hriat a ni.
Awareness on Deforestation & Forestation: He hun hi Pu. Robert V.L Thlamuana SAY Leader in a kaihruai a. Mihring te hian Ram kan tih chereu nasat avanga keimahni leh keimahni harsatna kan in siam dan te, Pathian in heng a thil siamte enkawl tura ruat kan nihna hre lo a, a ti chereutu kan nih hian Pathian duh loh zawng tak kan nih theih thu te ngaihthlak a ni a. Thing leh mau kan tih chereu avanga Boruak chhia lo pian chhuah dan te, kan lo neih dan tha lo (Shifting cultivation) leh ramsa chunga kan ngilneih loh zia te a sawi lang bawk a. Kan pi leh pute tih dan thalo chu paih a, keini thalaite hian bul kan tan that chuan kan ram hi ram nuam takah kan siam leh thei a ni tiin thalai te min cho a. Thutiam lakna hun a hawng nghal bawk. Kan tiamte:-
1. Ram ngaw humhalh turin.
2. Thingphun turin.
3. Ram ti chereu lo turin.
Heng thutiamte hi thalai ten kan la urhsun hle a, thalai 25-ten rilru leh tihtak zetin, ‘ Aw kei hian kan Ram, chhan tlaka la awm hi ka la humhalh thei a ni’ tiin hming an sign hnan a ni.
Ram hmul damdawi inhriatsiak: Brigade in elna anih avangin, kan tang tlang hle a. Rin aiin Ram hmul lakkhawm tur lah kan hre tlang. Hnah 5 lak turah 10 aia tam rawn la te an awm a. A bengvarthlakin a hlimawm hle mai. Min endiksaktu Dr.K. Lalhruaitluanga, Asst Secretary pawh a bengvar letling ngawt ang!
Thinghming leh a thatna inhriatsiak: Brigade in elna bawk a ni a, Thingkung 5 hming leh thatna ah inel a ni. Ramhnuaiah kan chhuak sang sang a, a thente phei chu kan kiu ruih ruih a, a nuam khawp mai. Minute 5 pek kan ni a, hetah hian Pu. C. Lalthlamuana, Fin. Secretary-in min endik sak a, kan lo hre tlang hle mai. Tin, sava ten an tlan thin thingrah nei te pawh kan hriat belh mai bakah kan humhalh a tul zia te kan in hrilh hria a ni.
Poetry writing competition: ‘Min hual veltu Ramngaw leh Ramsa humhalhna’ na lam hawizawng a inziahsiak a ni. Literature i/c Tv. Victor M.S Dawngliana’n min kaihruai a, Thalai ten thu ziak pawh kan lo thiamin kan lo ril tlang hle mai.
Chawte kan han ei kham a, reilo te kan han chawl hahdam a, Tv. Nelson Lalthanpuia, Evangelism Incharge in tawngtaina in kan hun min khar sak a, tichuan ke bawk a Ramrikawn thleng kalin, tluang takin in lam kan pan ta a ni.
Mapping: Ramrikawn atanga Centre hi ke a kal tur anih avangin, hemi ni hian member panga kal hmasain Tanhril khawdai atangin Brigade flag phun chhoh a ni a. Flag phun na ah hian Brigade tin tan hian tih tur phum ruk vek a ni a. A hahthlak bakah a hlimawm hle bawk a ni.
Bible Study: Bible Study hi Nl. Ellen Lalengzuali, SAY Secretary in min kaihruai a, Genesis 1:28, 2:15 leh Rom 8:18 atangin zirho na kan nei a. Paper-te a rawn buatsaih bawk. Thingkung hlim hnuaia Bible study kan neih te kha a lo nuam danglam hle mai, kan chhehvel thing leh mau leh thereng te pawhin an lo ngaithla ve tlat te hian a hriat a ni.
Awareness on Deforestation & Forestation: He hun hi Pu. Robert V.L Thlamuana SAY Leader in a kaihruai a. Mihring te hian Ram kan tih chereu nasat avanga keimahni leh keimahni harsatna kan in siam dan te, Pathian in heng a thil siamte enkawl tura ruat kan nihna hre lo a, a ti chereutu kan nih hian Pathian duh loh zawng tak kan nih theih thu te ngaihthlak a ni a. Thing leh mau kan tih chereu avanga Boruak chhia lo pian chhuah dan te, kan lo neih dan tha lo (Shifting cultivation) leh ramsa chunga kan ngilneih loh zia te a sawi lang bawk a. Kan pi leh pute tih dan thalo chu paih a, keini thalaite hian bul kan tan that chuan kan ram hi ram nuam takah kan siam leh thei a ni tiin thalai te min cho a. Thutiam lakna hun a hawng nghal bawk. Kan tiamte:-
1. Ram ngaw humhalh turin.
2. Thingphun turin.
3. Ram ti chereu lo turin.
Heng thutiamte hi thalai ten kan la urhsun hle a, thalai 25-ten rilru leh tihtak zetin, ‘ Aw kei hian kan Ram, chhan tlaka la awm hi ka la humhalh thei a ni’ tiin hming an sign hnan a ni.
Ram hmul damdawi inhriatsiak: Brigade in elna anih avangin, kan tang tlang hle a. Rin aiin Ram hmul lakkhawm tur lah kan hre tlang. Hnah 5 lak turah 10 aia tam rawn la te an awm a. A bengvarthlakin a hlimawm hle mai. Min endiksaktu Dr.K. Lalhruaitluanga, Asst Secretary pawh a bengvar letling ngawt ang!
Thinghming leh a thatna inhriatsiak: Brigade in elna bawk a ni a, Thingkung 5 hming leh thatna ah inel a ni. Ramhnuaiah kan chhuak sang sang a, a thente phei chu kan kiu ruih ruih a, a nuam khawp mai. Minute 5 pek kan ni a, hetah hian Pu. C. Lalthlamuana, Fin. Secretary-in min endik sak a, kan lo hre tlang hle mai. Tin, sava ten an tlan thin thingrah nei te pawh kan hriat belh mai bakah kan humhalh a tul zia te kan in hrilh hria a ni.
Poetry writing competition: ‘Min hual veltu Ramngaw leh Ramsa humhalhna’ na lam hawizawng a inziahsiak a ni. Literature i/c Tv. Victor M.S Dawngliana’n min kaihruai a, Thalai ten thu ziak pawh kan lo thiamin kan lo ril tlang hle mai.
Chawte kan han ei kham a, reilo te kan han chawl hahdam a, Tv. Nelson Lalthanpuia, Evangelism Incharge in tawngtaina in kan hun min khar sak a, tichuan ke bawk a Ramrikawn thleng kalin, tluang takin in lam kan pan ta a ni.
Monday, June 1, 2009
Thisen Pek Runpui
Ni 25 April 09(Inrinni) khan RM Hall ah Central Division (undivided) huaihawtin Zoram Sipai Pawl Ni pualin thisen pek runpui neih a ni a.Mi 66 ten thisen an pe a, Mipa 56 leh hmeichhia 10 ten an thisen an pe a ni.Hemi ni hian mi 140 chuang thisen pek tumin an lo kal khawm a, harsatna neuh neuh avanga pe thei lo an awm nual a ni.Mi dangte tana malsawmna thlentu, phal taka thisen petu SAY member te chungah Divisional Youth Secretary chuan lawmthu a sawi a ni.
Rangvamual ah Mual Inkhawm
Ni 27 April-09, Thawhtan zan khan SAY te chuan Rangvamual ah Mual Inkhawm an buatsaih a, zaia Pathian fakin, tawngtaina, hriatpuina leh thuchah tawi sawi a, ngaihthlakna hun an hmang.
Thawhtan zan hi SAY inkhawm hun pangngai a ni a, kumin ah hian Biakin chhung chauh a inkhawm lovin kawtthler hmun remchang a Pathian fakna tih rik hrim hrim leh thuchah tawite hmangin, Biakin thleng pha tawh lo te tan inkhawm buatsaih thin nise tih Council-in a lo rel tawh chu bawhzui a ni. Tun tum mual inkhawm hi SAY inkhawm pangngai aia hmun hrana inkhawm a nih vawi hnihna a ni a, a hmasa zawk chu Zodin Square ah neih a lo ni tawh a ni.
Ni 27 April zan hian RM Hall ah kalkhawm phawtin, puan tur tul puanna leh thawhlawm lakkhawm a ni a, mual inkhawm a Pathian hnathawh ropui a lan ngei theih nan leh SAY member kalturte inhlan tharin, tawngtairualna hun hman a ni.
Rangvamual ah Power supply a awm loh avangin, duh ang hun tak leh thlen hlimin a tan nghal theih loh a, amaherawhchu eng a awm veleh, mual inkhawm kaihruaitu Pu Robert VL Thlamuana SAY Leader chuan tawngtaina in mual inkhawm tanna hun a hmang a, Damna Kim tih hla a thlang a, zai a nuamin boruak a tha hle a ni. Hemi hnu hian Evangelism incharge Tv Nelson Lalthanpuia chuan tawngtaina leh hla thlanna a nei leh a, Hriatchian Lehzual Che Ka Duh tih hla a thlan chu sak ho leh a ni. Testimony leh sharing tawi sawi duhte tan sawina hun hawn a ni a, Tv S.Lalrengpuia Games & Sports incharge lo dingchhuakin, tawngtaina a rawn nei leh a, Min Hruai La tih hla a thlan chu sak anih lai hian inhlan duhte tan inhlanna hun a siam nghal bawk a ni. Nl R. Lalremtluangi (Mami) hnen atangin testimony ngaihthlak a ni leh a, a sawi zawh hian Krista Rawn Pan La tih hla a thlan chu sak ho leh a ni. Maj. Saitluanga DYS chuan Pathian thuchah tawite, nung tak si a sawi a, a sawi zawh hian Tv Zohmangaiha chuan hla Aman Engkimah Min Hria tih hla a thlang a. Tichuan hla hnuhnung atan Emau Dai Reh tih hla sak ho a nih leh hnuin Pu Vanlalrova’n tawngtaina a nei a, mual inkhawm chu tin a ni.
SAY ten Rangvamual-a Mual Inkhawm an neih hi a kalten an hlawkpui mai bakah, Rangvamual-a chengte leh an thawm, (tawngtaina, zaihona, testimony leh thuchah tawi-te) Pathian fakna ri te khan Thu nasa takin a sawi ngei a rinawm a, ‘Malsawmna Mual Inkhawm’ a lo nih ngei theih nan Sipai ten tawngtaina ah i hre zui zel ang u.
Hemi zana an lirthei phal taka rawn thawhtu Pu Vanlalrova leh Pu C.Lalthlamuana te chungah SAY Council chuan lawmthu a sawi a ni.
Thawhtan zan hi SAY inkhawm hun pangngai a ni a, kumin ah hian Biakin chhung chauh a inkhawm lovin kawtthler hmun remchang a Pathian fakna tih rik hrim hrim leh thuchah tawite hmangin, Biakin thleng pha tawh lo te tan inkhawm buatsaih thin nise tih Council-in a lo rel tawh chu bawhzui a ni. Tun tum mual inkhawm hi SAY inkhawm pangngai aia hmun hrana inkhawm a nih vawi hnihna a ni a, a hmasa zawk chu Zodin Square ah neih a lo ni tawh a ni.
Ni 27 April zan hian RM Hall ah kalkhawm phawtin, puan tur tul puanna leh thawhlawm lakkhawm a ni a, mual inkhawm a Pathian hnathawh ropui a lan ngei theih nan leh SAY member kalturte inhlan tharin, tawngtairualna hun hman a ni.
Rangvamual ah Power supply a awm loh avangin, duh ang hun tak leh thlen hlimin a tan nghal theih loh a, amaherawhchu eng a awm veleh, mual inkhawm kaihruaitu Pu Robert VL Thlamuana SAY Leader chuan tawngtaina in mual inkhawm tanna hun a hmang a, Damna Kim tih hla a thlang a, zai a nuamin boruak a tha hle a ni. Hemi hnu hian Evangelism incharge Tv Nelson Lalthanpuia chuan tawngtaina leh hla thlanna a nei leh a, Hriatchian Lehzual Che Ka Duh tih hla a thlan chu sak ho leh a ni. Testimony leh sharing tawi sawi duhte tan sawina hun hawn a ni a, Tv S.Lalrengpuia Games & Sports incharge lo dingchhuakin, tawngtaina a rawn nei leh a, Min Hruai La tih hla a thlan chu sak anih lai hian inhlan duhte tan inhlanna hun a siam nghal bawk a ni. Nl R. Lalremtluangi (Mami) hnen atangin testimony ngaihthlak a ni leh a, a sawi zawh hian Krista Rawn Pan La tih hla a thlan chu sak ho leh a ni. Maj. Saitluanga DYS chuan Pathian thuchah tawite, nung tak si a sawi a, a sawi zawh hian Tv Zohmangaiha chuan hla Aman Engkimah Min Hria tih hla a thlang a. Tichuan hla hnuhnung atan Emau Dai Reh tih hla sak ho a nih leh hnuin Pu Vanlalrova’n tawngtaina a nei a, mual inkhawm chu tin a ni.
SAY ten Rangvamual-a Mual Inkhawm an neih hi a kalten an hlawkpui mai bakah, Rangvamual-a chengte leh an thawm, (tawngtaina, zaihona, testimony leh thuchah tawi-te) Pathian fakna ri te khan Thu nasa takin a sawi ngei a rinawm a, ‘Malsawmna Mual Inkhawm’ a lo nih ngei theih nan Sipai ten tawngtaina ah i hre zui zel ang u.
Hemi zana an lirthei phal taka rawn thawhtu Pu Vanlalrova leh Pu C.Lalthlamuana te chungah SAY Council chuan lawmthu a sawi a ni.
Subscribe to:
Posts (Atom)
Posts
