Corps News update

As on 6 October, 2012

RALLY CHUNGCHANG...

# SAY Rally na a  kalturte chuan thosi len ken ngei ngei tur a ni a, mutbu hi Ni 11.10.2012 (Ningani) zanah RM Hall ah dahkhawm vek tur a ni.

# Zirtawp zing dar 6 ah RM Hall kawt atanga chhuah tur a ni a, kal tlai te chu tlansan an ni  ang.

# SAY member kal tur te chuan kalkawnga chaw eina tur mahni intum theuh tur a ni ang.

# Pu R.Thankunga (Thantea) te chhungkua in min lo thleng dawn a ni.

# Teirei Forest a kan SAY member Evangelist Teacher Candidate Vanlalringa leh Candidate Lalmalsawmi te leh an thiante pathum chuan Dapchhuah ah min lo nghak dawn.

# SAY member ten chawhmeh-dal, alu etc. ken ni se, thlenin te tihautak lo a kan awm theih nan. Hemi bakah mahni hman mamawh tur - toiletries(toothpaste, sabon etc.) intodelh vek ni se.

# Tuidam a mi harsa tanpui ngaite tanpui na turin Ni 08.10.2012 (Thawhtanni) zan SAY inkhawmah hian Bawm hun a ni dawn a, SAY ten kan theih anga tam Pawisa thlak theuh kan tum dawn nia.

# Rally-a kalna tur Rs. 15,000/- Senior Corps in min tumsak avangin kan lawm hle bawk.

# Rally na ah hian zinkawngah leh a hmunah pawh Convener turin Pu C. Lalthlamuana leh Pu Peter Lalthasiama te ruat an ni a, thuawihlo leh tihmawh awm lo tur in kan awm theuh dawn nia. Anni kaihhruaina hnuaiah hian kallam leh haw hun thlengin kan awm dawn a, bus chuan chungchangah te, tin, thlenna hmunah pawh an kaihhruaina hnuaiah kan awm reng dawn a, tumah an thu hnial zawng leh thuawihlo zawnga awm loh tur a ni.

# Zirtawp zan Welcome Meeting a zai hruai turin Tv.Lallawmzuala, Tv. Lalthansanga, Tv. Philip VL Rinpuia, Tv. Freddy Lalramnghaka, Tv. Oliver Zothanpuia, Tv. Eric VL Ngaihsaka leh Candidate Vanlaldiki Sailo te ruat an ni.

# Tuidam a ken tur gas lo ngaihtuah turin Nl. Judy Lalfakzuali leh Nl. H. Lalhriatpuii te ruat an ni a, anni hian hma lo la in gas ken tur bur hnih a awm thei dawn a, an chungah SAY chuan lawmthu an sawi a ni.

# Bazar Corps Band ten Ni 13.10.2012 (Inrinni) Chawhma inkhawm ah item an nei ang a, Bial zaipawlpui (Halleluiah Chorus) chu Ni 14.10.2012 Thianghlimna inkhawm ah an neih a ni ang. Tin, kan Corps in Creative Arts Tawngtai inkhawm zan ah kan entir bawk ang.


Lawmthu sawi

Kan Corps atanga Teirei Forest a Evangelist Teacher a chhuak Candidate F.Vanlalringa leh Candidate Lalmalsawmi te nupa in kan Corps a Sipai te min ngenna anga Toys leh naupang lawm chi hrang hrang petu te zawng zawng chungah Bazar Corps SAY te leh Y.P Corps te chuan lawmthu an sawi a ni.


Lawmpui

Kan SAY Member Tv. Jesse Lalrinchhana s/o Maj. R.Lalbiakliana chuan NIELIT atangin BCA 1st Division ah a pass a, hetiang ang member kan nei hi kan chhuang in kan lawmpui hle a, a kal lehzelna turah duhsakna sang ber kan hlan bawk a ni.

Tin, kan SAY member Tv. P.C V.L Remtluanga chuan Taekwondo North East Zone Championship 2012 ah kg 85 chung lamah Silver Medal a la a, National Championship ah North East ai a awh nghal bawk ang. Hetiang ang member kan nei hi kan chhuang hle a, a kal lehzel na turah duhsakna kan hlan a ni.


Hriattur Pawimawh

Karleh Ni 12.10.2012 (Zirtawpni) atanga tan tur SAY Rally a kan Corps SAY atanga kal tum zawng zawng te chu Ni 08.10.2012 (Thawhtanni) zan SAY Inkhawmah kim taka inkhawm tur a ni a, hemi zanah hian khawmpui kal tum zawng zawng ten hming pek luh vek tur a ni. SAY Inkhawm zana kal hmanlo tur kan awm anih chuan SAY hruaitute hrilh tura ngen leh hriattir kan ni.


Zirna Hmun Lam Pan

Kan SAY Member Nl. Janice Lalchungnungi d/o Pu Lalsawmliana Rokhum, Dinthar-I chuan Ni 01.010.2012 (Thawhtanni) khan a zirna chhunzawm turin Delhi lam a pan a, tluang taka a zirna a chhunzawm theihnan leh hlawhtlinna tha tak a neih theih nan SAY chuan duhsakna kan hlan a ni.


Prayer Ministry

Prayer Ministry Inkhawm kar leh Ningani (Thursday) Ni 11.10.2012 zan dar 7:00 ah R.M Hall ah neih leh tur a ni a. Hruaitu atan Pi Tlangthangpuii, YPT a ni ang. Hetah hian a thei apiang kal tur a sawm kan ni a, a thei thei in chaw nghei tur a ni bawk a ni.


Gospel Camping

Kan Corps in hun rei tak ata kan lo beisei leh kan tawngtainaah te pawh kan lo dil thin Gospel Camping chu November ni 1-3, 2012 chhung hian neih tur a ni a, speaker atan Crussade hlawhtling taka min lo neihpui tawh tu Evan. Lalthanzama Hrahsel, TEM Speaker a ni ang. He camping lo awm tur atan hian Sipai tin ten thahnem ngai takin kan tawngtainaah i hria ang u.


SAY RISING DAY VAWI 58-NA

Territorial Headquarters in a lo pawmpui tawh angin October ni 8,2012 Thawhtanni hi SAY dincham 58-na a lo ni ta reng mai. Kum 1954 October ni 8 khan Saitual ah Inkhawmpui neih a ni a, Saitual khaw pawn atangin palai hming inziaklut mi 500 lai an ni a, khawtual inkhawm te nen chuan 1000 chuang an ni a, an hlim hle a, he inkhawmpui neih ni hi hun lo kal zelah Thalai rawngbawlna SAY lo intan hunah ngaih ni in Rising day ah puan a lo ni ta.

Tunah hian India Eastern Territory ah hian Division parukah SAY member a inpe mi Sing chuang teh meuhin rawngbawlna an kalpui mek a ni.

Salvation Army, IET ah hian hetiang hian hming hran hran vuahin Thalai rawngbawlna kalpui a ni tawh thin.
1. 1954-1971 chhung- Thalaite
2. 1971-1981- Torchbearer Group Movement
3. 1981-1995- The Young Crusaders
4. 1996-vaiin thleng - Salvation Army Youth



As on 29 September, 2012


Crusade Hlawhtling


Ni 22.09.2012 (Inrinni) zan Tawngtai Inkhawm atang khan SAY hmalakna in Retreat chhunzawmna atan Crusade neih a ni a, hun hlimawm tak leh hlawkthlak tak mai Ni 24.09.2012 (Thawhtanni) zan SAY Inkhawm thleng khan hman a ni. He crusade ah hian Speaker atan Pu Lalthanzama Hrahsel, TEM Speaker hman niin Pathian Thlarau Thianghlim awmpuina nasa takin SAY Member te leh he crusade chhimtu Corps chhunga Sipai te chuan an chang a ni.


Human Trafficking

Ni 30.09.2012 (Pathianni) hi ‘A day of prayer for victims of Human Trafficking’ pual a hman a ni a, Thupui hrang hrang hmangin tawngtaina neih tur a ni dawn a, Pathianni zan Chhandamna Inkhawm thlengin he ni pual hi hman a ni.



Toys la thehluh theih

Kan Corps atanga Teirei Forest a Evangelist Teacher a chhuak Candidate F.Vanlalringa leh Candidate Lalmalsawmi te nupa in kan Corps a Sipai te min ngen angin an awmna hmun a naupang te inawmtleina tur Toys (Naupang lawm) chu lakkhawm mek zel a ni a, naktuk Pathianni ah pawh hian a duh tan la kenkhawm theih a ni a, thehluh tur nei kan la awm anih chuan YP Hall ah dah tur a ni.



As on 22 September, 2012

Retreat Nei

Vawiin Ni 22.09.2012 (Inrinni) chawhma dar 10:00AM atang hian kan Corps SAY te hmalakna in RM Hall ah Retreat neih a ni a, speaker atan Evan. Lalthanzama Hrahsel, TEM Speaker chu hman a ni a, hun hlimawm tak leh hlawkthlak tak hman a ni. Tlai ah chawhlui kilhona neih a ni bawk. Retreat hi zanin Tawngtai Inkhawm atangin follow-up programme anga chhunzawm tur a ni dawn a, karleh Ni 24.09.2012 (Thawhtanni) zan SAY Inkhawm thleng a awh ang. He follow up programme a tel tur hian Corps chhunga Sipai zawng zawng te sawm kan ni a, tin, he Retreat atanga Thlarau Thianghlim hnathawh kan Corps ah alo thlen ngei theih na turin Sipai tin ten kan tawngtainaah i hre reng ang u.


Corps Cadet Rally

Ni 13-16 September 2012 chhung Darlawn a Corps Cadet Rally neih chu hlawhtling tak leh hlawkthlak takin hman zawh a ni a, kan Corps a Corps Cadet te pawh hlawkna tam tak nen Ni 17.09.2012 (Thawhtanni) chawhnu dar 2:30PM khan dam takin an rawn thleng leh a ni. Kan Corps Cadet te Item neih Pathianin a chawimawi a, request vawi hnih (2) lai dawngin khawmpui tiak zanah phei chuan an lamna ‘Chungkhaw ri’ hla ah inkhawm zawng zawng te an chai mup mup mai a ni.


Hnatlang nei

Ni 19.09.2012 (Nilaini) khan YP Corps hnatlang neih a ni a. He hnatlangah hian YP Corps a naupang, nu leh pa leh zirtirtu eng emaw zat an thawkchhuak a, YP Hall chhung thenfai ngai leh tihfai ngai te an tifai a ni.



As on 15 September, 2012

Corps Cadet Rally

Central North Division Corps Cadet Rally chu tunkar ni 13.09.2012 (Ningani) atang khan tan a ni a, kan Corps a Corps Cadet te pawhin he Rally ah hian Items vawi 2 an nei dawn a, tin, Pathianni Thianghlimna Inkhawmah zai an hruai dawn bawk a ni. Tin, he Rally ah hian kan Corps atangin Pi Mary Vanlalhumi (w/o Pu Robert V.L Thlamuana) chuan Badge of Merit a dawng bawk dawn a ni. He Rally hi hlawk taka hman a nih theih nan leh kan Corps Cadet te pawh dam taka Aizawl an rawn thlen leh theih nan Sipai tin te i tawngtaipui ang u.


Toys khawn dawn

Kan Corps atanga Evangelist Teacher ni a kalchhuak Candidate F.Vanlalringa leh Candidate Lalmalsawmi te nupa awmna hmun Teirei Forest-a Pre-School a naupang khal tur leh in awmtlei na turin kan Corps chhungah Toys hlui leh naupang lawmzawng thil te SAY chuan hun remchang hmasa berah an rawn khawn dawn a, Corps chhunga Sipai chhungkaw zingah pek tur nei kan awm anih chuan lo in ralring turin kan inngen a ni e.


Hnatlang nei

Ni 11.09.2012 (Thawhlehni) zan khan Central North Division Rally, Tuidam a neih tur pandal structure thiarna hnatlang Sikulpuikawnah neih a ni a, Corps hrang hrang 7 (pasarih) atangin an kalkhawm a, kan Corps SAY atang pawhin mi 13 lai an thawkchhuak a, zan dar 1:30AM vel thlengin structure loadna hna hi thawh a ni.



As on 8 September, 2012

Corps Cadet

Kan Corps a Corps Cadet te chuan ni 04.09.2012 (Thawhlehni) khan Hotel Regency, Zarkawt ah ICFAI programme a item neitur a sawm an nih angin Pathian fakna hla hmangin lam an entir a, hun hlawhtling tak an hmang a ni.
Central North Division Corps Cadet Rally chu karleh ni 13.09.2012 (Ningani) atanga tan tur a ni a, kan Corps a Corps Cadet te pawhin he Rally ah hian Items vawi 2 an nei dawn a ni. Tin, he Rally ah hian kan Corps atangin Pi Mary Vanlalhumi (w/o Pu Robert V.L Thlamuana) chuan Badge of Merit a dawng bawk dawn a ni.


Lawmpui

Kan SAY Member Nl. Vanlalmuansangi d/o Pu Vanlalrimawia (Mawitea), Dawrpui South chuan M.Sc (Agri) First Class a a zawh hnu in ni 04.09.2012 (Thawhlehni) khan dam takin Aizawl a rawn thleng. Hetiang ang member kan nei hi Bazar Corps SAY te chuan kan chhuangin, a kal lehzelna turah duhsakna sang ber kan hlan bawk a ni.


Dam takin chhuak

Pu Vanlalzarzokima (Mazara), Dawrpui South chu Durtlang Hospital a hlawhtling taka zai a nih hnu in Ni 05.09.2012 (Nilaini) khan in lama in enkawl turin dam takin a rawn chhuak. Sipai ten hma a sawn zel theih nan i tawngtaipui ang u.


Cassette Release

Vawiin chawhnu dar 2:00PM khan Central North Division Songsters te chuan an Album hmasaber chu R.M Hall ah release na an nei a, hun tha tak an hmang a ni.



As on 1 September, 2012

SAY Bial Meet

Ni 02.09.2012 (Pathianni) nileng leh zan khan Chanmari West Corps ah Bazar C.O Bial SAY Meet chu neih a ni a, hetah hian kan Corps atangin Bazar Corps Band leh SAY Creative Art te items neih a ni a. He meeta Speaker chu Pu Lalthanzama Hrahsel, TEM Spekaer ni.



Beihrual

 Ni 03.09.2012 - 28.09.2012 chhung khan Beihrual Programme neih a ni a, group hnih (2) ah inthenin fehchhuah inkhawmna neih thin a ni.



League Of Mercy te luanchhuahna

Dt. 22.08.2012 (Nilaini) khan Bazar Corps League of Mercy te chuan Pi Ramnghinglovi, Saron Veng chu Rs.1,000/- in an tanpui a. Pi Ramnghinglovi hi Damdawiin ah te a awm a, an chhungkaw dinhmun te an ngaihtuah in LOM te chuan tanpui ngei tha an ti a, tanpuina thilpek hi an pe ta a ni. Pi Ramnghinglovi hi hmeithai niin a fanu nen harsa takin an khawsa ve a ni.

Corps News update

As on 25 August, 2012


Sawm-a-pali pe

Teirei Forest a Evangelist Teacher a kal mek kan SAY Member Candidate F.Vanlalringa te nupa chuan an lawmman hmasa ber an lak atangin sawm-a-pali Rs.2,400/- chu Corps Missionary Board hnenah an hlan a ni.


Lawmpui

# Nl. C.Zothansangi, Chhinga Veng chuan Jadavpur University, Kolkata atangin B.Ed in Locomotor Impairment and Neuro Muscular Disorder chu tha takin a zo a. Mizo he subject lo zing tawh zawng zawng zingah ala ti tha ber a ni. Tin, Nl. C.Zothansangi hian Gilead Special School ah hna thar a hmu bawk a ni.

# Nl. Lallawmzuali Sailo, Dawrpui South chuan NEHU, Shillong atangin BA tha takin a pass a ni.

# Candidate F.Vanlalringa leh Candidate Lalmalsawmi te pawhin an nupa in IGNOU atangin M.A tha takin an pass bawk.

Hetiang ang SAY Members chhuanawm tak tak te hi SAY te chuan kan lawmpui hle a, kan chhuang in an kal lehna zel turah duhsakna sang ber kan hlan a ni.


Lam zir dawn

SAY Drama in-charge hmalakna in SAY Rally lo awm tur leh SAY Bial Meet lo awm tur atana inbuatsaihna chu karleh thawhtanni Ni 27.08.2012 zan SAY Inkhawm ban atangin Biak Ina riak lutin neih tur a ni a, SAY Member lam zir thin zawng zawng te hemi atana lo inpuahchah tura hriattir kan ni.


Tawngtaipui Ngai

Pu Vanlal Zarzokima (Mazara) Dawrpui South chu Ni 27.08.2012 (Thawhtanni) ah hian Durtlang Hospital ah ‘Hip Replacement Surgery’ tiin an zai dawn a, Corps chhunga Sipai i tawngtaipui ang u.


Ngenna

Kan Corps chhungah hian Salvation Army Officer ni tura inpe Candidate mi 5 lai mai kan nei a, heng kan Candidate te hi an hming kan lam leh kan ziah reng rengin an hming hmaah ‘Candidate’ tia lam leh ziah ngei ngei thin tur a ni. Heng hi Senior Corps, SAY leh Section hrang hrang ah te zawm kan tum theuh dawn nia.


Bial S.A.Y Meet

Ni 02.09.2012 (Pathianni) lo awm turah hian Chanmari West Corps ah SAY Bial Meet neih tur a ni a. Pathianni nileng leh zan thleng a ni dawn a, speaker atan Pu Lalthanzama, TEM Speaker a ni ang. He hunah hian kan Corps atangin Bazar Corps Band te chuan item an nei dawn a ni.


S.A.Y Retreat

Ni 22.09.2012 (Inrinni) ah SAY chuan Spiritual Retreat neih a tum a, zan Tawngtai Inkhawm atangin Crusade angin Ni 24.09.2012 (Thawhtanni) SAY Inkhawm zan thleng hman a ni dawn a ni.


Festival Committee Atanga Ngenna

Krismas leh Kumthar lawm nan hian kan Corps hian Rs. 1,50,000/- (Nuaikhat leh sing nga) vel mamawh thin a ni a, tun August thla thleng khan thawhlawm ip ah Krismas leh Kumthar thawhlawm Rs. 30,000/- (Singthum) vel chauh ala lut a, Krismas vuakvel hi chhungtinin pawisa kan hman tam lai a nih avangin thawhlawm ip a thawhlawm lo thlak hi a finthlak in kan pawisa mamawh tam laiin mi a ti zangkhai a, chuvang chuan chhungtin ten thahnemngai tak leh a hma aia uar zawka thawhlawm ip a Krismas leh Kumthar thawhlawm rawn thawh zel turin Festival Committee chuan Corps chhungtin te an ngen nawn leh a ni e.


Cassette Release Dawn

Ni 06.09.2012 (Inrinni) ah hian Central North Division Songsters te chuan an Album hmasaber tur an release dawn a, a hmun atan R.M Hall niin he huna Sound System Duty tur atan hian SAY Council chuan Tv. Nelson Lalthanpuia Sailo leh Tv. Oliver Zothanpuia te chu an ruat a ni.


Prayer Ministry

Prayer Ministry Inkhawm kar leh Ningani (Thursday) Ni 30.08.2012 zan dar 7:00 ah Pu Lalzamliana, Dinthar-I te inah neih leh tur a ni a. Hruaitu atan Nl. R.Lalremtluangi (Mami) a ni ang. Hetah hian a thei apiang kal tur a sawm kan ni a, a thei thei in chaw nghei tur a ni bawk a ni.

Corps news

As on 18 August, 2012

Inkhawm Kim Zan Hmang

Ni 13.08.2012 (Thawhtanni) zan kha SAY te chuan Member Inkhawm kim zan an hmang a, SAY member mi 183 ah member 79 an inkhawm a ni. He inkhawmah hi Gilgal C.O Bial SAY Council OB te chuan rawn hmanpui in hun hlimawm leh hlawkthlak tak an hmang a ni. SAY Member te hun lo kal lehzel turah pawh Inkhawm ah tan la zel ila, a hma aia tam inkhawm zel turin tan i la sauh sauh ang u.


Bawm hung

    Ni 13.08.2012 (Thawhtanni) SAY Inkhawm zan khan Damlo leh Mi harsate pual a bawm hun a ni leh a, hetah hian Rs.1,010 lai a lutkhawm a ni. He bawm a ui lova thlak tute zawng zawng chungah SAY chuan lawmthu a sawi a, heng sum thawhkhawm te hi tangkai tak in SAY te chuan an hmang thin a. Damlo, Chhiattawk leh Harsatna lian tham tawk te tanpuinan SAY chuan alo hmang tawh thin a ni.


Telephone Directory

    Major Lalthansanga Brigade ten Corps chhung Telephone Directory siam an tum chu hma lak mek zel a ni a. Tunah hian a tam zawk chu lakkhawm tawh niin Phone Number la pe lut lo kan la awm anih chuan Brigade Leader Tv. Freddy Lalramnghaka, Ph. No. 9612820136 ah hriattir tura ngen kan ni e. Directory hi a rang thei ang bera siam tum anih avangin ala pe lo chuan a rang lama pek kan tum dawn nia.


Financial Campaign

    Naktuk Pathianni lo awm turah hian Territorial Headquarters chuan Local Officer te Corps/Society hrang hrangah Financial Campaign nei turin a tirchhuak leh dawn a, kan Corps ah chuan Pu TV Fambawl, Bethel Corps ami in hun a rawn hmang ang.

S.A.Y Bial Then Dan - June 2012 atangin

1.    DAWRPUI SOUTH, TUIKUAL C LEH AIZAWL WATCH HOUSE AREA -    1. Robert VL Thlamuana, Leader
        2. Judy Lalfakzuali, Drama i/c
        3.  Joseph Lalremmawia, C/m
2.    DAWRPUI WEST -     1. Nelson Lalthanpuia Sailo, Asst. Secy            2. Lalruatfela, C/m
3.    DAWRPUI JAIL VENG, THANA TLANG, UPPER BAZAR LEH MEDICAL QUARTERS -      1. Ellen Lalengzuali, Treasurer
            2. Freddy Lalramnghaka, C/m
            3. K. Lalrindika C/m
4.  ZARKAWT -     1. K. Lalhruaitluanga, Secretary   
            2. Lalhruaitluanga Tlau, C/m
5.  CHHINGA VENG, NEW MARKET LEH ELECTRIC VENG -
        1. Vanlaldiki Sailo, Finance Secretary
        2. Lalsangbera, Games and Sports i/c
        3. H. Lalhriatpuii, C/m
6.  SARON VENG -  1. Lallawmzuala, Assistant Leader                      2. R. Lalremtluangi, Evangelism i/c
                  3. Malsawmdawngzuala, Music i/c
                  4. Oliver Zothanpuia, C/m
7.DINTHAR I LEH TUIKUAL ‘D’ -
        1. Peter Lalthasiama,Social &Community i/c
        2. Emmanuel Lalhmunsanga, Litt. i/c
        3. C. Lalthlamuana, C/m

S.A.Y REPORT TLANGPUI (JANUARY - JUNE 2012)

S.A.Y REPORT TLANGPUI (JANUARY - JUNE 2012)
(16 June 2012

1.    Damlo leh mi harsa, tanpui ngaite tanpuinan  SAY inkhawm ah thlatin bawm vawi khat dawh a ni, bawma tla te hmang hian Saiha kangmei turte tanpuina leh naupang vanduai Sarah d/o Liantluanga, Chanmari West te tanpui an ni a, SAY Sunday zing karah Civil Hospital ah damlo mi harsa te tanpuina pek an ni.

2.    Hlimna in girls home, Saitual ah tanpuina pek a ni.

3.    SAY Council member ten February 21-27 chhung khan chaw nghei tawngtai a inchhawka neih a ni.ni 11 June Thawhtanni atang khan Council member ten SAY rawngbawlna peng hrang hrang atan chawngheia a inchhawka tawngtaina neih tan a ni leh bawk.

4.    SALVATIONIST Kartin chhuak chanchinbu chu sponsor-na hmanga tihchhuah a ni.

5.    April ni 29 zanah Pathian fak leh chawimawina hun  Territorial Songsters, Central North Division Songsters, Territorial Staff Band, TBZ Zaipawl, Leprosy Mission Zaipawl  te nenhlim takin kan hmang.

6.    May ni 19 ah Durtlang khelmual ah Ramhlun Corps SAY te nen Sports hlim takin kan hmang a, ni 21 May SAY inkhawmah RM Hall ah Fellowship hlim takin kan nei bawk a, he Sports ah hian Bazar Corps SAY ten Pakhatna kan la.

7.    SAY member Candidate (SA Officer training tura pawm)
    1. Lalmalsawmi
    2. F.Vanlalringa
    3. Vanlaldiki Sailo
    4. JosephLalremmawia
    5. Lalhruaitluanga Tlau

8.    SAY member Rawngbawla hmun danga awm - Lalthlamuana Sailo leh Lalthianghlimi, YWAM, Siliguri

9.    SUM LAM
    Kum 2012 Budget - Rs. 2,41,900.00
    Kum 2011 ami luhpui zat -    Rs.    39,863.00
    January - May 2012 chhunga sum lut zat - Rs. 3,58,036.00   
    January- May 2012 chhunga  hmanral - Rs. 3,41,399.00
    Sum lakluhna -    Inhlawhna, blanket suk, CD zawrhna, donations, faith promise, missionary pual,sawma pakhat, SAY dawr luah man, Mi harsa tanpuina bawm hun
    Hmanralna tlangpui -
    Missionary chawmna, Chanchinbu chhutna, Sound system leina, damlo leh mi harsa tanpuina

10.Kumina SAY member zawng zawng zat 182 (Mipa-102, Hmeichhia-80)

11.Ropuinaa kaisang - Mi 2 (Lalhruaitluangi & Michael Lalrinsanga)

SAY Bazar Corps hruaitute
Leader    - Robert VL Thlamuana
Asst. Leader -    Lallawmzuala
Secretary - Dr. K. Lalhruaitluanga
Asst. Secy. - Nelson Lalthanpuia
Finance Secy. - Candidate Vanlaldiki Sailo
Treasurer - Ellen Lalengzuali
Evangelism i/c - R. Lalremtluangi
Literature i/c    -
Emmanuel Lalhmunsanga
Social & Community i/c -
Peter Lalthasiama
Drama i/c - Judy Lalfakzuali
Games & Sports i/c - Lalsangbera
Music i/c - Malsawmdawngzuala
Council members -
Oliver Zothanpuia, K. Lalrindika
C. Lalthlamuana, Joseph Lalremmawia
H. Lalhriatpuii
Maj. Lalthansanga Brigade Leader -    Freddy Lalramnghaka
Maj. PC Thansanga Brigade Leader -    Lalruatfela
Maj. Sangzuala Brigade Leader -    Lalhruaitluanga Tlau

Corps news tawi - As on 9 June, 2012

Self Denial

Ni 10.06.2012 (Pathianni) Thianghlimna Inkhawm hian Self Denial 1st Alter Service neih a ni



Boral

    Kan SAY Member duhtak Michael Lalrinsanga s/o Lalzamliana, Dinthar-I chuan Ni 28.05.2012 (Thawhtanni) khan vankohna min chhansan a, a kalsan tak a chhung leh khat leh thenrual te kan tuarpui hle a, Pathian thlamuanna kan dilsak bawk a ni.


Tanpui ngai pual bawm

    Ni 11.06.2012 (Thawhtanni) zan SAY Inkhawm ah Tanpui ngai te pualin bawm hun a ni leh dawn a, SAY Member ten thahnem ngai taka kan lo thawh tawh thin angin hemi zanah pawh hian midangte tana malsawmna kan nih theihna turin thawh theuh kan tum leh dawn nia.


Partnership Mission

    Kum 2012-13 chhhunga Territorial Headquarters in Partnership Mission a kan Corps Partner tur ni turin Kanhmun Society leh Khawdungsei Society te chu an rawn ruat a ni.


Bible Society Campaign

    Ni 10.6.2012 zan Chhandamna Inkhawm ah Bible Society of India chuan Campaign RM Hall ah an rawn nei dawn a, hemi min rawn hmanpui tur hian BSI Aizawl North-I Vice President Upa Pi Lianngengi chu a rawn kal ang.

Corps news tawi

As on 2 June, 2012

TEM Hlanna leh TYS Thlahna Programme

Naktuk Ni 02.06.2012 (Pathianni) Thianghlimna Inkhawm hi Territorial Evangelical Ministry (TEM) Speaker tur te hlanna leh Appointment pekna hun RM Hall ah hman a ni dawn a, THQ lam atangin hun an rawn hmang ang.
Tin, zan Chhandamna Inkhawm hi Territorial Youth Secretary (TYS) Major Lalmuansanga te thlahna hun RM Hall ah neih a ni dawn a, TSAY lamin programme te duangin, items chi hrang hrang neih a ni bawk ang.


Jumble Sale

SAY in Jumble Sale neih a tum chu remchan zawkna avangin sawn a ni a, a hun tur chu in hriattir nawn leh a ni ang. He Jumble Sale atan thawmhnaw thawh tawh zawng zawng tute chungah SAY chuan lawmthu a sawi a, la thawh duh tan pawh thawh theih reng a ni e. Thawh tur la nei te chuan la hralh tlak ngei rawn thawh thei ula a lawmawm ngawt ang.


Candidate ah tling

Salvation Army Officer ni tura kailawn hmasaber Candidate ni turin kan Corps atangin mi 3 (Pathum) lai mai an tling thar a, chung te chu:
1) Vanlaldiki Sailo d/o Maj. S.Biakliana
2) Joseph Lalremmawia s/o Maj. Vanlalhuma
3) Lalhruaitluanga Tlau s/o Laltana

Hetianga Full Time a rawngbawltura inhlan SAY Member kan nei hi Bazar Corps SAY te chuan kan chhuangin an kal zel na turah duhsakna sang ber kan hlan bawk a ni.


Street Ministry

Ni 28.05.2012 (Thawhtanni) zanah khan kan Corps SAY te chuan Street Ministry an nei a, Dawrpui leh Zarkawt Area ah te mite tana tawngtaisakna leh Pathian thu te semna neiin a thei thei te an kalkual a, hetia outreach member thenkhat ten an neih lai hian SAY Member kal ve lo te chuan Biak Inah tawngtai rualna te leh Pathian fakho na hun te an lo hmang a ni.


Pangpar khawitu 

Naktuk Pathianni Ni 03.06.2012 pangpar khawi tur atan chuan Pu K.Thangkhuma VS, Saron Veng te chhungkua ruat an ni. Tin, karleh Pathianni Ni 10.06.2012 a pangpar khawi tur atan Pu C.Darkunga, CT te chhungkua ruat an ni.


Prayer Ministry

Prayer Ministry Inkhawm kar leh Ningani (Thursday) Ni 07.06.2012 zan dar 7:00 ah R.M Hall ah neih leh tur a ni a. Hruaitu atan Pi Laiveti a ni ang. Hetah hian a thei apiang kal tur a sawm kan ni a, a thei thei in chaw nghei tur a ni bawk a ni.


Salvationist sponsor

Tun Issue hi Pu F.Lalrinliana, CLS te chhungkua in an sponsored a ni. Salvationist man hi Bial hrang hrangah Bial neituten an rawn khawn dawn a, thlakhatah Rs.10/- a ni a, kumkhat pe tla duh tan Rs. 120/- pek mai tur a ni. Salvationist hi a duh tan sponsor theih reng a ni a, Issue khat hi Rs.300 a sponsor tur a ni.

L.O.M RAWNGBAWLNA

Dt. 20.04.212 (Zirtawpni) zan khan Bazar Corps LOM te chuan Council an nei a, an thu rel te chu:

1) Tar chaklo leh upa lam te tlawh chhuahna neih nise, a hun tur chu la ruat leh nise a hma lama tlawh chhuah nise an ti.

2) Luanchhuah na atan sum tuak nise, chumi atan chuan Sticker, Crest leh Red Shield zawrh nise an ti.

3) Dt. 22.04.2012 (Pathianni) khan LOM ten heng mite hnenah hian kal in thilpek te pe in, tawngtaina te neein hun an hmang:
a) Pi Ramnghinglovi - Saron Veng - Rs. 500/-
b) Pi Rampari - Saron Veng - Rs. 1,000/-
c) Pu Vanhlira - Saron Veng - Rs. 1,000/-
d) Pi Hrangbuangi - Saron Veng - Rs. 500/-
e) Pi Lalthankimi - Khawzawl - Rs. 1,000/-
f) Pu Ruala - Dawrpui - Rs. 500/-

February - March Special Fund a sum lo lut zawng zawng Rs. 11,790/- a ni a. Ip la pe lut lo tan ala pek theih reng a ni. Thil petu zawng zawng te Pathianin malsawm che u rawh se.

Corps News tawi

As on 31 March, 2012

Lusun
 Pi Lalrinpuii, Saron Veng chu Ni 29.03.2012 khan Pum lam that lohna avangin a boral a, a chhung leh khat a kalsan tak te tan Pathian thlamuanna leh awmpuina i dilpui ang u.

Lo Haw
 Pu T.H Vanlalreia, CS pawh hun rei tak chhung Vellore a in entir a an kal hnu ah tluang takin Aizawl an rawn thleng leh. A hriselna in that lam a pan zel theih nan Sipai i tawngtai pui ang u.

Zin
 Kan SAY Leader Pu Robert V.L Thlamuana chu Good Friday hmang turin Ram Thianghlim (Israel) lam panin vawiin hian a chhuak. Mizoram atangin mi 20 an kal a, Ni 13th April 2012 ah Aizawl ah an rawn kir leh ang. Kan tawngtaina ah i hre reng ang u.

Inhlawh
 Ni 26.03.2012 (Thawhtan) Zan khan SAY chuan Blanket suk hnatlang leh Brick thiar a inhlawhna te an nei a, mi 42 lai an thawkchhuak a ni. SAY Member te hi hmun hnihah inthen in a thenin Blanket an su a, a then in brick an thiar a. Blanket su hovin an zawh veleh Brick thiar te puiin zan dar 2:30 vel thleng Brick hi an thiar a ni. Blanket phal taka suk tir tu zawng zawng te bakah inhlawhna tha tak siamsak a, Rs. 10,000/- lai pe tu Pu Vanlalrinmawia (Mawitea)  chungah SAY chuan lawmthu an sawi takzet a ni.
Mastor of Divinity Pass
 Pu David Lawmzuala, Corps Council Secretary chuan International Institute of Church Management, Chennai atangin Master of Divinity chu tha takin a pass. He Institute atang hian Mizo panga chuan M.Div an zova, heng zingah hian Pu David Lawmzuala leh midang 2 (pahnih) te chuan Doctor of Divinity chhunzawm leh an tum a ni. Hlawhtlinna chang te kan chhuang in kan lawmpui a, Pathian kaihhruaina hnuaiah tha taka an zir na te an chhunzawm leh zel theih nan duhsakna kan hlan bawk e.

Tumkau
 Naktuk Tumkau Ni kawngzawh a Tumkau ken tur chu Tachhip Corps te zawrh YP Corps in an leisak a. A hranpa lo lei lo turin Corps chhung a nu leh pa te kan han in hriattir a ni e. Tin, YP Corps inkhawm ah Tumkau Man ken theuh tur a ni a, Tumkau pakhat hi Rs.10/- man tur a ni.


As on 24 March, 2012

Lusun
Kan SAY member Nl. Lalhruaitluangi (Matluangi), Pi Neihpuii, Dinthar-I fanu chu Ni 22.03.2012 (Ningani) khan a boral. Khawhar chhung te tan Sipai tin ten i tawngtai sak ang u. Vawiin chhun dar 12 ah khan vuiliam a ni.

Damlo
Pi Lalruatpuii, Pu Hmangaihsanga Hrahsel, Babutlang nu chu ni 22.03.2012 (Ningani) khan Aizawl Hospital ah a mit a lungte awm (gallstones) avangin zai a ni. Tha taka a dam zel theih nan kan tawngtaina ah i hre theuh ang u.
Tin, Pu TH Vanlalreia, CS pawh Vellore a in entira an kal chu that lam an la pan thei rih lova, Sipai tin ten kan Corps Secretary tha taka alo dam leh theih nan leh tluang taka an rawn haw theih nan Pathian hnenah tihtakzet in i dilpui ang u.

Pass
Kan SAY Member Tv. Ricky Lalrintluanga, Lalzamliana, Dinthar-I fapa chu Health Worker tha tak a zir zovin 1st Division ah a pass a, kan chhuang in kan lawmpui hle a ni.

Naute Thar
Nimin Ni 23.03.2012 (Zirtawpni) zing dar 12:30AM khan Pu David C.Lalmuanpuia leh Pi Jenny Lalramzauvi, Aizawl Watch House, Dawrpui South te nupa chuan naute duhawm tak mipa, 3 kgs an nei.


NE Games ah tel
Kan SAY Member Tv. Lalsangbera, i/c Games & Sports leh Tv. P.C V.L Remtluanga te chu North-East Games neih zawh takah khan Mizoram aiawh in an tel a, kan chhuang takzet a ni.


Festival Committee
Kum 2012, Kumthar pawh March thla kan lo hmang zo leh mai dawn a ni a, Bazar Corps chhungtin ten Krismas leh Kumthar thawhlawm Silaimu Ip a kan thlak thin hi thahnemngai taka kum bul atanga thawh theuh turin Festival Committee chuan min ngen a ni.


Appeal Letter 
Kan Corps in Sound System tha tak kan nei thar a, he kan Sound System hi aman la pek tlak loh a ni a. Ni 15, April 2012 ah hian Sound System man atana Appeal Letter semchhuah te lakkhawmna neih a ni leh dawn a. He kan sound system tha tak mai hi a rang lama a man te kan pektlak vat theih nan he thawhlawm lakkhawm na tur ah hian thahnemngai takin Sipai chhungkaw tin ten thawh kan tum theuh dawn nia. He kan sound system hi Nexo Company niin 15 inches a ni a, a tiat pui ah khawvel a tha ber a ngaih a ni.


Zaipawl din dawn
SAY Council chuan kan Corps chhungah SAY Zaipawl din nise tiin thu a rel a. SAY Member tin ten Zaipawl tha tak kan neih theih na tur atan tel theuh kan tum dawn nia.

Mual Inkhawm
Naktuk Ni 25.03.2012 (Pathianni) chawhnu dar 2:00PM ah hian Bazar C.O Bial SAY Council buatsaih in Rangvamual ah Mual Inkhawm neih a ni dawn a, SAY Member leh Corps chhung a Sipai te a thei thei kal kan tum dawn nia.

Young Salvationist
Kum 2012 chhung a Young Salvationist la duh te tan Editorial Board member emaw SAY OB te hnenah hriattir tur a ni. Tin, kumkhat pe tla duh tan Rs. 120.00 pek mai tur a ni a, thlakhat ah Rs. 10.00 a ni. Sponsor duh tan pawh sponsor theih reng a ni bawk e.

As on 17 March, 2012

Damlo
Pu TH Vanlalreia, CS chu tunah hian damlohna avangin Vellore ah in entir in an awm mek a, hma a sawn zel theih nan Sipai tin ten kan tawngtaina ah i hre theuh ang u.


Y.P Rally
Vawiin Ni 17.03.2012 (Inrinni) atang hian Bazar C.O Bial YP Rally chu Hunthar Corps ah neih a ni dawn a, naktuk Pathianni thleng a awh ang.
Bazar C.O Bial chhungah hian Corps 6 (Paruk) leh Society 1 (Pakhat) a awm a. Heng Corps leh Society hrang hrang atang te hian intihsiakna nei turin an rawn kalkhawm beisei a ni.

Lusun
Pu Ngurthansiama, Maj.Saitluanga pa chuan Ni 13.03.2012 (Thawhlehni) khan Thawhah natna avangin a boral a, lusun chhungkua te kan tawrhpui in Pathian awmpuina leh thlamuanna kan dilsak bawk e.

Sound System Thar
Nimin Ni 16.03.2012 (Zirtawpni) khan kan Biak In a sound system thar hman tur chu bun tan a ni a. He kan Sound System thar hi Nexo company niin tuna kan Biak In a kan hman tur hi amah ang size ah chuan khawvel pum a tha ber a ngaih a ni. Vawiin ah he sound system bun hna hi chhunzawm leh a ni ang a, naktuk Pathianni ah chuan a nih dan ang tur thlap a hman theih beisei a ni.
Heng sound system te hi a man la pek loh a ni a, hun remchang hmasa berah Appeal Letter te sem a ni leh dawn a, Corps chhunga Sipai tin ten thahnem ngai takin thawh kan tum dawn nia.


Blanket Suk Hnatlang
Kar leh Ni 23.03.2012 (Zirtawpni) hian Blanket suk hnatlang neih tur a ni a, Bial neitu ten mahni Bial chhungah blanket suk tur khawnkhawm tur a ni e. Tin, Sipai chhungkaw tin ten kan blanket leh puanthuah suk tur neih ang ang te suk turin kan lo dah theuh dawn nia.

Tin, tunkum chhung atan SAY Brigade budget ah Rs.5,100/- pawm a ni tawh a, Brigade Leader ten mahni brigade budget te hmuhchhuak a khum thei ngei turin tan kan la dawn nia.


Salvationist man sponsor duh tan
Salvationist hi a duh tan sponsor theih reng a ni a, Issue khat hi Rs.300 a sponsor tur a ni.
Tin, Salvationist man hi Bial hrang hrangah Bial neituten an rawn khawn dawn a, thlakhatah Rs.10/- a ni a, kumkhat pe tla duh tan Rs. 120/- pek mai tur a ni.



As on 4 March, 2012

Local Council ah tling
Kan Corps member zingah Pu H.S Laltanliana, Saron Veng leh Pu K.Thangmawia, Zarkawt chu anmahni awmna vengah Local Council Member atan thlan tlin an ni.


Sipai ah lawmlut
Ni 25.02.2012, kar kalta Tawngtai Inkhawm zan khan Pi Julie Lianzuali leh a fate - Lalnunsanga, Lalnunfela leh Lalnuntluangi te chu sipai ah lawmluh an ni. Pi Julie Lianzuali te hi Dawrpui Bara Bazar, Buangthanga Colony a cheng an ni.

Lo haw
Kan SAY Member leh Company Guard ni bawk Nl. T.Lalhmachhuani (Mimi) chu Rangoon leh Mandalay a rawngbawlna a neih zawh hnu in Ni 01.03.2012 (Ningani) khan dam tak in Aizawl a rawn thleng.

Mual Inkhawm
Naktuk Ni 04.03.2012, Pathianni chawhnu dar 2:00 ah hian Bazar Bungkawn, Dawrpui ah SAY te chuan Mual Inkhawm an nei dawn a, solo leh band item te a awm ang. Tin, Maj.Lalrinfeli’n thu a sawi bawk ang.


As on 18 February, 2012

Saiha Tanpui

Saiha kang tuarte tanpuina tur atan Bazar Corps SAY te chuan CYMA kaltlang Rs.5000 an hlan a, hemi atana sum leh pai thawhtu te zawng zawng chungah Bazar Corps SAY chuan lawmthu an sawi a ni.


SAY Bial Council Member
Tun kum (2012) chhung atan heng mi te hi Bazar Corps SAY aiawh in Bazar C.O Bial SAY Council ah ruat an ni:
1) Pu C.Lalthlamuana, c/m
2) Nl. Judy Lalfakzuali, i/c Drama
3) Tv. Nelson Lalthanpuia Sailo, Asst. Secretary.


BAZAR C.O BIAL S.A.Y COUNCIL
2012 chhung atana Bazar C.O Bial SAY Council OB atan heng mi te hi ruat an ni:
Leader - C.Lalthlamuana, Bazar Corps
Asst. Leader - Lalremmawia, Chanmari West Corps
Secretary - Joseph Rozamliana, Chanmari Corps
Asst. Secretary - S.Laldingliana, Sairang Corps
Fin. Secretary - Vanlalchhanchhuaha, Hunthar Corps
Treasurer - Judy Lalfakzuali, Bazar Corps


As on 11 February, 2012
MISSIONARY IP BIAL TUTE LEH AN BIAL TE1. Pu C.Lalhruaitluanga, VS - Electric Veng
Chhinga Veng
New Capital Complex

2. Pu Robert VL Thlamuana - AWH Building
OSCS Modern English School

3. Pu K.Thangkhuma, WS - Saron Veng

4. Pu C.Lalbiakmawia - Saron Veng
Col. Sergt. Jail Veng

5. Pu K.Zohmingthanga, SL - Thana Tlang
Medical Qtrs.

6. Pu K.Rothanga, VS - Dinthar - I

7. Pu David Lawmzuala - Dawrpui West
Modern School Qtrs.

8. Pu K.Vanlaltlana, VS - Dawrpui South
Tuikual

9. Pu F.Lalrinliana, CLS - Saron Veng

10. Pu Lalruatdika, CCG - Zarkawt
Modern English School

11. Pu H.S Laltanliana, VS - New Market

Appeal Letter for Sound System
Ni 05.02.2012, Pathianni kalta khan Sound System thar leina tur atan a Appeal Letter semchhuah chu lakkhawm a ni a, hetah hian Rs.50,000/- a lutkhawm a ni.
Kan Corps in tunah hian Sound System tha tak mai Rs.6,70,000/- man kan nei dawn a, tun atanga rei lo te ah hman theih tur a beisei a ni.

As on 28 January, 2012
In ruatna
Kumin 2012 atan Corps Council Secretary ah Pu David Lawmzuala ruat a ni a, Asst. Secretary ah Pu Zohmangaiha ruat a ni bawk.
As on 21 January, 2012
Sipai ah lawmlut
 Ni 18.01.2012 Sipai Inkhawm zan khan Maj.Lalhruaikima, C.O chuan sipai ah mi pahnih (2) a lawm lut.
Songsters Member
 Kan Corps atangin Nl.Lalthanmawii leh Nl. C.Ramropuii te chu Central North Division Songsters member atan ruat an ni.

As on 14 January, 2012
C.O Thar
 Bazar Bial C.O thar ni turin Maj.Lalhruaikima te chhungkua chu dam takin Ni 12.01.2012 (Ningani) khan  an rawn thleng.
 Pathianni Dt. 15.01.2012 hian anmahni lawmna inkhawm Chanmari West Corps ah neih a ni ang.
 Hetih lai hian kan C.O chhuak ta Maj. Vanlalhuma te chhungkua leh D.S chhuak ta Maj.R.Lalbiakliana te chhungkua te pawhin an awmna hmun thar tur tluang takin an thleng. An rawngbawlna thar turah malsawmna tam tak thlentu ni turin Bazar Corps a sipai zawng zawng ten duhsakna kan hlan a ni.

SAY Charge in hlan
 Bazar Corps a kumin 2012 chhung a SAY OB te leh in-charge te chuan Ni 10.01.2012 (Thawhlenni) zan khan SAY Office ah charge in hlanna leh tawngtai hona te an nei.

SAY Council
 Kum 2012 a SAY Council hmasa ber chu Ni 15.01.2012 (Pathianni) Chawhnu Dar 2 ah R.M Hall ah neih tur a ni a. Hetah hian in-charge hrang hrang ten action plan ken theuh tur a ni. Zan riah kil nghal tur a ni bawk ang.