Territory Chawnghei Tawngtai Programme

A Hun : 3rd & 4th December 2010
3 December, 2010 (Zirtawpni)
Hun hmangtu tur ten mahni hun ngai pawimawi theuh tur leh midang hunah pawh intawiawm tlang vek turin Prayer Ministry chuan min ngen a, hemi ni a chawei ai hi ken khawma Arunachal ramthim(Yingkiang) Biak In sak nan hman tur a ni e.
6:00-7:00AM Lawmthu sawina
Maj Vanlalhuma, CO
7:00-8:00AM Ram leh hnam tan
Pu C.Lalbiakmawia,Col. Sgt
8:00-9:00AM Ram leh hnam tan
(i) Nl. R. Lalremtluangi, Leader
(ii) Nl.Lalmalsawmi
(iii) Pi Lalrinthangi, HLSL
9:00-10:00AM Khawtlang tan
(i) Pi Lalhlupuii Hnamte, Leader
(ii) Pi Laltanpuii, CG
(iii) Pi Laiveti
10:00-11:00AM Khawtlang tan
(i) Maj Rochhungi, CO, Leader
(ii) Pi Laltluangpuii
(iii) Pi Lalhmachhuani
(iv) Pi Vanlalsangi
11:00AM-12:00Noon Rawngbawl tura inhlan tharna
(i) Maj Sangzuala, Leader
(ii) Pi Rodingliani, HLT
(iii) Pi Chhuani Hauhnar
(iv) Maj Lalthansanga
12:00-1:00PM Women Ministry rawngbawlna
(i) Pi Rozuali, LOMS, Leader
(ii) Pi Hmingmawii Rokhum
(iii) Pi Biakhnuni, ALOMS
(iv) Pi Doliani
(v) Pi Lalneihnungi
1:00-2:00PM Old Aged (Over Sixty Club)
(i) Pu K. Hmingthanga, RS, Leader
(ii) Pu Remchhunga
(iii) Pi Sangkhumi
(iv) Pi Lalrinpuii
2:00-3:00PM Retired Officers
(i) Maj PC Thansanga, Leader
(ii) Maj Sangzuala
(iii) Pu Ngursailova
(iv) Maj Vanlalhuma
3:00-4:00PM Senior Corps
(i) Pu TH Vanlalreia, CS, Leader
(ii) Pu C. Darkunga, CT
(iii) Pu R. Vansanga, RS
(iv) Pu N. Zareia, PFS
4:00-5:00PM. Naupang (YP) Rawngbawlna
(i) Pi Rozami, YPSM, Leader
(ii) Pi Lalremtluangi, CRS
(iii) Nl Vanlalngheti, YPRS
(iv) Nl. C. Ramropuii, CG
(v) Nl. Lalrindiki, CG
5:00-6:00PM Corps Cadet Rawngbawlna
(i)Pu Lalruatdika, CCG, Leader
(ii)MS Dawngzuala, ACCS
(iii)Freddy Lalramnghaka
(iv)Isaac Lalhlimpuia
(v)Phillip VL Rinpuia
6:00-7:00PM Motherless Babies Home
(i) Pi J.Lalrinmawii, HLVS, Leader
(ii) Pi Lalchhingpuii LOMT
(iii) Maj Kalkhami
(iv) Maj Rochhungi
7:00-8:00PM Orphanage (Boys) Home
(i) Maj Vanlalauvi, DDWM, Leader
(ii) Pu Zohmangaiha
(iii) Tv. Lianghmingthanga
(iv) Pu K. Zothantluanga
(v) Pu Lalhrima Sailo, PS
8:00-9:00PM Orphanage(Girls) Home
(i) Maj Lalduhsangi, Leader
(ii) Pi PC Lalengmawii
(iii) Dr. Lalhruaitluanga
(iv) Tv. Immanuel Lalhmunsanga
(v) Tv David Vanlalmalsawma
9:00-10:00PM Blind School
(i) Maj Lalnunthari, Leader
(ii) Pi Laldingliani
(iii) Pi Vanlalhruaii
(iv) Pi Zaithangpuii
(v) Nl. H. Lalhriatpuii
10:00-11:00PM CHAN Rawngbawlna
(i) Maj Lallawmpuii, DSWM, Leader
(ii) Pu K. Vanlaltlana, VS
(iii) Pu K. Thangkhuma, WS
(iv) Pu F. Lalrinliana, CLS
(v) Tv. Nelson Lalthanpuia Sailo
11:00-12:00Midnight Pathian thua thanlenna
(i) Pu Vanlaltluanga, QM, Leader
(ii) Tlangthangpuii, YPT
(iii) Pu K. Rothanga, VS
(iv) Pu Lalmuankima, BM
(v) Pu HS Laltanliana, VS
4.12.2010 (Inrinni)
12:00-1:00AM Missionary Rawngbawlna
(i) Pi Lalengmawii, HLS, Leader
(ii) Maj Rochhungi
(iii) Maj Lalnunthari
(iv) Maj Lalduhsangi
(v) Pu John LT Sanga
1:00-2:00AM. Pathianram thilpek
(i) Pu Lalhruaitluanga, VS, Leader
(ii) Maj Lallawmpuii
(iii) Maj F. Remthanga
(iv) Pu Vanlalrova
2:00-3:00AM Salvation Army Youth
(i) Pu Robert VL Thlamuana, Leader
(ii) Nl. Ellen Lalengzuali
(iii) Judy Lalfakzuali
(iv) Nl Vanlaldiki Sailo
(v) Pu C. Lalthlamuana
3:00-4:00AM. Salvation Army Hruaitu te
(i) Maj F. Remthanga, DYS, Leader
(ii) Pu C. Lalbiakmawia, Col Sgt.
(iii) Pi Laltanpuii, CG
(iv) Nl. R. Lalremtluangi
4:00-5:00AM. Salvation Army Laymen
(i) Maj R.Lalbiakliana, DS, Leader
(ii) Pi Rozuali, LOMS
(iii) Pi Lalengmawii, HLS
(iv) Pi J.Lalrinmawii, HLVS
5:00-6:00AM IET Kum 100(Centenary) lo thleng tur a tan
(i) Maj Sangchhunga, DC, Leader
(ii) Maj PC Thansanga
(iii) Maj Sangzuala
(iv) Pu K. Hmingthanga, RS

League of Mercy Rally Report

Rozuali, Secretary, LOM

Kan ngahhhlelh em em League of Mercy Rally chu tluang tak leh dam takin kan lo hmang zo leh ta reng mai. Pathian min hruaina te a ropui tak zet a ni.

Dt.29.10.2010(Friday) 12:30pm ah Aizawl atangin Sawleng panin kan chhuaka, kan chhuah dawnin CO

Maj. Rochhungi’n tawngtaina te a nei a, tluang taka kalin Sawleng chu tlai dar 5:30 ah kan thleng a, motor rui thinte pawh tumah rui an awmlo a ni. Hemi zan hi palai lawm zante a ni a, palai zawng zawng hi 250 vel kan ni a, Bazar Corps atang pawhin member 9 kan kal. Hemi zan hian activities report na neih ani a, Corps hrang hrang atangin report ngaihnawm leh benglut tak tak ngaihthlak a ni.

Dt.30.10.2010(Saturday) chawhma sermon inkhawm a ni a, chawhnu lamah Pu Chalchhuna te thlanah (Holy Land) kan kal a, hetah hian Maj. Lallawmpuii, DSWM in kaihruaiin tawngtairualna te kan nei a ni. Zanriah tui tak thlengtu Corps ten min buatsaih saka kan puar hle. Zanah sermon inkhawm neih leh ani a, item hrang hrang neih leh ani a, inkhawm apiang hian Division Songster ten thiam takin zaiin min awi reng a, anni hian minti phuisui hle.

Ni 31.10.2010(Sunday) zing kar hian mi harsa zual 5(panga) kan tlawh a, Rs.500/- theuhin tanpuina pek anni a, an mahni hmuh hian rilru a khawih duh khawp mai. Midangte tanpui theitu zawka kan tang hi ava lawmawm em. Mittui tla zawih zawih chunga tanpuina an dawng han hmuh chuan LOM lo hlut zia a lang a ni! Tawngtaina te kan nei zel bawk a. Tanpuingaite tanpui duhna thinlung nei LOM member nih hi alo hlu hle mai. Kan Lal Isua pawh khan ‘Heng mite berte zinga mi pakhat chunga in tih chu ka chunga ti in ni’ a tih kha i hrereng ang u.

Chawhnu Sermon inkhawm kan nei leh a, boruak a nuamin a tha khawp mai a Bazar Corps atang pawhin Pi J. Lalrinmawii’n recitation thiam tak maiin a sawi a, ngaithlatu te thinlung pawh a hneh hle a ni.. Inkhawm banah chhangban ruaite min buatsaih sak leh a a tui khawp mai.

Thlengtu Corps te in pekna ropui in palai kalte pawh in nuam kan ti hle a, mikhual chunga an awmdan a entawn tlak hle, mikhual thenkhat phei chu a neitu te aia thu zawk pawh kan awm a ni.

Chhandamna Inkhawm hi final meeting alo ni tawh a, hetah hian DDWM in thusawina a nei a, thu benglut tak mai kan ngaithla a, boriuak pawh a thain zai pawh a nuamin a tha hle. Maj Sangchhunga, DC in hun tawp siamin inhlanna hunte a buatsaiha, inkhawm zawng zawngin inhlanna kan nei a ni.

LOM Rally hi a hlawhtling hle mai a, inkhawm boruak a tha a, kham lo takin kan Rally chu kan hmang zo a ni. Hlim tak maia Rally kan hmang thei hi corps sipaite tawngtaina rah a ni tih a chiang hle. Member, Rally-a kal theilo te pawhin thahnem ngai taka kan thawhrah avanga Rally hi hlawhtling a ni a, tawngtaina nen rawng i bawl zel ang u.

SAY Financial Report for the month of October

B/F - 73016

New Income - 19090

Expenditure - 7110

Balance - 84996

Total - 92106

TSAY General Council Neih a ni.

India Eastern Territory, Territorial Salvation Army Youth General Council vawi 9 na chu Ni 2-3 October, 2010 chhung khan Zemabawk Corps ah neih a ni.

He General Councilah hian Division hrang hrang atangin palai an kal tha hle a, Kawng a chhiat avangin Eastern Division (Manipur) erawh chu an rawn kal ve thei ta lo a ni.

Ni 2 October, 2010 Inrinni chawhma khan Council neih a ni a, hmalakna tur hrang hrang bakah SAY te tana thu pawimawh tak tak te an rel ho a ni. Chawhnu lamah Budget session neih a ni bawk.

Zan tawngtai inkhawm hi mipui inkhawm niin Zaipawl leh Band ten hun an hmanga, Major R. Thangkhuma DYS Westeern Division hnen atangin Pathian thuchah ngaihthlak a ni. Zanah council hi neih chhunzawm leh a ni.

A tuk Pathianni nileng leh zan lam pawh vantlang inkhawma hman leh a ni a, Corps hrang hrang Songsters leh Band ten hun an hmanga, Bazar Corps Songster te pawhin Chhandamna inkhawmah hun tha tak an hmang a ni A thlengtu Corps hian Inrinni khan ruai tuhnai tak an buatsaih nghe nghe a ni

Corps Cadet Rally Report

Central North Division Corps Rally vawi 2 na chu Ni 1-3 October, 2010 chhung khan Ramhlun Vengthar Corps ah neih a ni. Central North Division ah hian Corps Cadet awmna Corps leh Society 57 an awma, Aizawl khawpawnah Corps leh Society 21 awmin a dang zawng chu Aizawl khawpui chhung a mi te an ni. Corps Cadet zawng zawng hi 1210 vel an awm a ni.

He Rally ah hian beisei angin khualkhua atanga lokal an thahnem lo hle. Corps 12 atangin palai 134 vel an lokal a ni.

A hnuaia mi hi palai riak lut report dawn zawng an ni

Damparengpui 10

Darlawn 13

Darlawn Central 5

Darlawn North 16

Khawruhlian 22

Khawruhlian Vengthar 5

Ni 1 October, 2010 Zirtawp zan dar 7:00 khan Palia lawmna inkhawm - Welcome Meeting neih a ni a, mi 500 vel inkhawmin Ramhlun Vengthar CCG in inkhawm a hruaia, Items benglut leh tha tak tak ngaihthlak leh en a ni. Power Supply a that tawk loh avangin Programme khaihlak a awm leh zauh thin tih loh ah chuan inkhawm boruak a nuamin Ramhlun Vengthar Corps YP & CC ten ‘Halleluiah Chorus’ ropui taka an sak chuan lawm a hlawh hle. Dinthar Corps ten zai kaihruaiin Ramhlun Bialtu CO Major PC Liansanga hnen atangin Pathian thuchah ngaihthlak a ni.

Ni 2 October, 2010 Inrinni chawhma inkhawm hi Worship Service a hun hman a ni a, Salem Corps CCG in inkhawm kaihruaiin Major Lalnithanga Chaltlang CO bial hnen atangin ‘Zuk & Hmuam thatlohzia’ sermon ngaihthlak a ni a, Corps Cadet te tan a pawimawhin a tangkai hle a ni. Items tha tak tak a awm bawk. Inkhawm zawng zawng hi mi 730 vel an ni.

Inkhawm banah thingpui inhona neih a ni a, chumi zawh veleh Biakinah lutkhawm lehin Worship Service neih lehnghal a ni. Inkhawm hi Chanmari Corps CCG in kaihruaiin Major Lalrinliana Salem CO bial hnen atangin ‘I Pathian tawk turin inpeih rawh’ tih thupui hmanga sermon ngaihthlak a ni bawk. Items tha tak tak ngaihthlak a ni a, Salem CO bial ten zai an kaihruaia, inkhawm zawng zawng hi mi 600 vel an ni.

Inkhawm ban hian a thlengtu Corps ten an buatsaih Zanriah tuihnai tak chu rally palaite hian an eitlang nghal a, a thlengtu lam inbuatsaihna a tha bawka palaite an tlai hle.

Inrinni Zan Tawngtai inkhawm chu Tuidam Corps CCG in kaihruaiin Lt. Col. Lalthlamuan CC i/c DHQ in ‘Chhandamna’ tih thupui hmangin Pathian thuchah nung tak a sawi. Items tha tak tak neih a ni a, a bikin Govt. Complex Corps ten Worship Dance an entir leh Durtlang Corps te Skit chan chu a hmuhnawmin mit a titlai hle a ni. Hemi zana inkhawm zawng hi mi 575 vel an ni.

Ni 3 October, 2010 Pathianni (Thianghlimna Inkhawm) Dawrpui Vengthar CCG in inkhawm kaihruaiin Major Sangchhunga DC hnen atangin ‘CC leh Mipat hmeichhiatna’ tih thupui pawimawh tak hmangin Pathian thuchah ngaihthlak a ni. Corps Cadet zirzo mi 147 hnenah Graduation Certificate leh Badge of Merit hlanna ropui taka neih a ni a, Pu R. Chhuanvawra CSM, Dawrpui Vengthar Corps hnen atangin ‘CC ka hlawkpuina’ tih ngaihthlak a ni a, a ngaihnawmin CC zir mekte tan chona nasa tak atling a ni. Thianghlimna inkhawmah hian an thahnem hle a mi 1000 chuang fe inkhawmin Biakin leh a hnuai zawng zawng an khat veka thutna pawhin a daihlo hial a ni. Thianghlimna inkhawm Collection hi luanchhuahnan hman a ni a ni a, heng mite hi tanpui an ni - 1. Lalchhanchhuaha s/o Thuami, Darlawn chhimveng, paingsual a nu nen chauha awm leh 2. Pu Lalfaktlinga Luangmual Vengthlang, Lung lam thalo Kolkata a refer chu an harsat avangin tanpuina pek nise tiin Corps Cadet Guardian Meeting chuan a rel a ni. He inkhawmah hian Bazar Corps ten zai an hruai a ni.

Chawhnu lamah fakna inkhawm neih a ni a, Majo. Thanhranga CO Zemabawk bialin ‘CC leh tunlai khawvel’ tih thupui hmangin sermon a sawi a, Mizo Idol Tv. Lalchhanchhuahan Pathian faka zaiin hun a hmanga, Pu David Z Hmar pawhin Guitar solo neiin hun tha tak a hmang bawk. Mi 850 vel an inkhawm a ni.

Farewell Meeting ah hian inkhawm an tam leh hle maia, Biakin hnuai pawh an khat tlat a ni. W. Phaileng CCG in inkhawm hruaiin Major F. Remthanga DYS hnen atangin ‘Ngaihhlu tlak tleirawl’ tih thupui hmangin Pathian thuchah a sawia, Officer tura inhlanna hun siamin CC 175 lai mai chu an inhlan a ni. Items tha tak tak ngaihthlak leh thlir ho a ni a, inkhawm a nuamin zai a nuam em em a, Pathian Thlarau a zalena, Lamtualin a daihlo a ni ber. Khamlo takin CC Rally chu zan dar 9 velah zawh a ni ta a ni.

Ramhlun Vengthar Corps-a Corps Cadet Rally ah Bazar Corps atangin heng mite hian Corps Cadet Merit Badge an dawng

Special Course

Pu F.Lalrinliana CLS, Pu C.Lalthlamuana, Nl H.Lalhriatpuii, Pi K.Zohmingliani,Pi Vanlalpari leh Nl G.Laldinthari.Heng mite hi khawvel puma Corps Cadet (Special Course) zir zo hmasa ber te an ni.

Regular course

Reuben C. Zochamliana s/o Thangzeli

Lalrinhlua s/o Lalawmpuia

Zothansanga s/o R. Lalremsanga

Zodingpuii d/o R. Lalremsanga

C. Lalrosanga s/o C. Lalrinawma

Lalchhuanawmi d/o Lalremliana

F. Vanlalhriata s/o Major F. Remthanga. Tun tum Rally ah hian mi 146 in CC zir zoin Merit Badge an dawng

SAY Literature Nite leh Thin Zan Report

SAY Action Plana awm angin ni 11.10.2010 (Thawhtan) Zan khan SAY Literture Nite leh Thin Zan hman a ni a, Hun hlimawm leh tha taka hman a ni.

Inkhawm hi Nl. C. Ramropuii Literature i/c in kaihruaiin Bible chhiara inkhawmna te Pathian hnena hlanna a neih hnu ah ‘Literature pawimawhna’ a sawi a, Intihsiakna chi hnih - 1. Extempore Speech, Brigade tin atangin mi 2 theuh leh Brigade hla inphuah siak, hla chang 3 leh thunawn nei chu minute 15 chhungin Brigade tin ten an phuah theuh a, Worship Dance hmuhnawm leh mawi tak mai thlir ho a nih bakah Beat Group te an che tha hle bawk.

Extempore Speech ah hian Major Lalthansanga Brigade te pakhatna niin Major Sangzuala Brigade Pahnihna an ni ve thunga, Major PC Thansanga Brigade Pathumna an ni.

Hemi zana member inkhawm zawng zawng deuh thawh hi mahni duhdana thing theihtawp leh mahni theuhin inhmeh an tihdan ang theuhin an rawn inchei hlawma, inkhawm a hlimawm a, zai erawh chu a har deuh thung.

Member inkhawm te amal mala in show kualin Thing Lalnu leh Thing Lalpa thlanna neih a ni a, a thenin TorchLight Cell thum te, Click III Camera te an rawn ah tat laiin thenkhat chu Khaini Bur thla lang kalh khawpa tight an rawn ha thung. Hetia an kekawr mawng lam a tawt em em lai hian a tlang lam erawh chu a arh tha hlawm hle a, thenkhat erawh chuan chhungkaw tangruala phelh ngai khawpa zuih an rawn ha ve thung a, a then chu Mizo Pa takin chawfun nen an rawn kal thung.

Inkhawm kan hlim tlang em em a, khawvel hlimhlawp tello pawhin Pathian Biakin chhung ngeiah hian thalaite tan hlimna a awmzia alang chiangin zawngchhang tlak pawh kan ti hle a ni.

Inkhawm banah thlalak hona leh thingpui tui tak inho a ni a, khamlo takin Literature Nite leh Thin Zan chu kan tin ta a ni.

SAY Council Vawi 12 na Neih a Ni

Ni 30, September, 2010 Zan khan SAY Office ah SAY Council neih a ni a, Leader/Chairman in thuhma hruaite sawina anei a, Council te Pathian hnen ah hlanna a nei a tichuan Agenda chu sawiho nghal a ni.

1. SAY Dawr sak chhunzawm chungchang :- SAY dawr sak chungchanga hmalak tawhna te report na neih a ni a, Tv. C. Ruala c/m in Dawrsak a enkawlna man atan Rs.1000.00 chauh alak avangin a chungah alawmawm hle a ni. SAY Dawr sakna tur atan hian Pu Robert V.L. Thlamuana pawisa hman chhoh zel a ni a, zanin ah pawh hian Rs.10,000.00 lak belh leh a ni a. Tichuan sak chhunzawm zel dan tur leh a luah dan tur chungchang sawiho nghal a ni a. SAY dawr sakna tur atan hian Rs.1,00,000.00 vel lai sen angai dawn a, chuvang in SAY Council chuan nguntaka a ngaihtuahin SAY Dawr hi Pu Robert V.L. Thlamuana hian luahse, aluah man atang hian a pawisa hmansak te hi in rulh chhoh nise kan ti a, chumai bakah SAY dawr sakna atan a pawisa bat rulh nan hian special fund siam nise tih a ni bawk.

Dawr sak hna hi October thla chhunga peih nise, a hna te lo enkawl leh turin Tv. C Ruala c/m ruat a ni. November thla ah chuan luah hman ngei nise, kan pawisa puk pawh luahman atanga pek nghal zel nise.

2. Lehkha hmuh:

a). Aizawl Temple Corps SAY hnen atanga lehkha hmuh:- Aizawl Temple Corps ten Beat contest Music Fest, 2010 4 & 5 Decembera an buatsaiha tel tura sawmna lehkha hmuh chu Chairman in chhiarchhuahna a neih hnu ah ngun taka sawiho nghal a ni a, hetah hian telve ngei nise, Music Council ten atul angin lo bawhzui se, a ranglama SAY Council ah an hmalak na leh ruahman nate chu rawn thlen se.

b). Territorial SAY Council 2 & 3 October, 2010 Zemabawk Corps a neih turah Chhandamna inkhawm ah Zaipawl nei tura sawmna hmuh chu tih hlawhtlin ngei nise.

c). Bazar C.O.Bial SAY Council ten Central North Division Sports a lawmman pakhatna an lak lawmna 9 October, 2010 a neih turah Bazar Corps SAY te Skit leh Worship Dance ti tura sawmna chu tih hlawhtlin ngei nise.

d). Central North Division SAY Council atanga lehkha hmuh : SAY rising day 8 October chu hlawhtling taka hman tur a min duhna chu nguntaka sawiho a ni a, lawmthu sawi tawngtaina neih nise kan ti.

- Central North Division SAY General Council 6 November, 2010 a neih turah agenda thehluh turte chu nguntak a sawiho a ni a, heng te hi thehluh nise-

-Uniform chungchang – hmeichhia bikah Uniform pawnfen chhing lutuk te, uniform mahni style a thui te, uniform ha chunga tlereuh inbel chungchang leh in neih chungchangah a duh chuan form ha lo se, form ha a ni erawh chuan duh ang anga thui nilo, Uniform dik tak a thui nise.

-Sport hi neih tawh lo nise kan la ti leh dawn a nih chuan football hi telh tawh lo nise, Organised leh dawn a nih chuan felfai deuh a tih tawh nise kan ti.

3. Thenzawl Bazar Corps tlawh Review :- Thenzawl Bazar Corps hi 12 September, 2010 khan tlawh a ni a, a tlangpuiin a tha kan ti a, mi ina kan thleng darh te kha a tha in chhunzawm zel tlak kan ti. Feed back kan dawn pawh Thenzawl Bazar Corps te hian an hlawkpui hle tih thu kan dawng a. Pathian hnenah lawmthu kan sawi a ni. Kan Programme duan te pawh hlawhtling takin kan ti hlawhtling thei a kan lawm hle a ni.

Thenzawl Bazar Corps tlawh a ni

Hun rei tak atanga kan lo nghah Thenzawl Bazar Corps tlawh chu Pathian kaihhhruaina in kan lo ti puitling thei ta a, Pathian hnenah lawmthu kan sawi a ni.

Ni 11 September zing dar 10 ah RM Hall kawt atangin mi 37 te chu bus in kan chhuak a, Major Lalnunthari, DLOMS in Pathian hnena tawngtaiin min thlah.Pu C. Lalthlamuana, Asst. Leader chu kan zin chhung hian Commander a ni a, ani kaihhruaina ang hian thu awih takin kan awm thin.

Chhun dar 12:30 ah Hmuifang tlang kan thleng a, thingpui in pahin thlala in hun kan hmang. A hmunhma a nuam hle.Chawhnu dar 3 ah Thenzawl chu tluang takin Pathian kaihhruaina in kan thleng.

Thenzawl Bazar Corps SAY ten theitui leh chhhang nen min lo hmuak a, in hrang hrangah min thlen darh tira, chumi hnu ah Thenzawl khelmual ah Bazar Corps ve ve (TBC leh ABC) te chuan Football hlim takin kan khel a, Aizawl Bazar Corps SAY te si 5-4 in kan chak zawk a ni.

Zan dar 7 ah Tawngtai inkhawm neih a ni a, Nl.H. Lalhriatpuii, Treasurer in inkhawm a kaihruai a, Pu Robert VL Thlamuana’n Pathian thuchah a puang a, In hmelhriattirna hun Corps pahnih ten kan nei a, Kan Secretary ve ve ten hlim takin an kaihruai. Kan Corps atangin Band leh Zaipawl ten hun kan hmang. Thenzawl Bazar Corps CSM in min lawmna thu a sawi a.

Thianghlimna inkhawm ah Dr. K. Lalhruaitluanga Fin. Secy inklhawm hruaitu a ni a, Pu C. Lalthlamuana Asst. Leader in Pathian thuchah a puangchhuak. Kan Corps atangin Nl. Vanlaldiki Sailo zai te, Zaipawl te, Skit team te leh Band ten hun kan hmang. Inkhawm a nuam hle.

Chawhnu Fellowship ah Tv. Nelson Lalthanpuia Asst. Secy in inkhawm a kaihruai a, Tv. Lalhmingduhawma, Thenzawl Bazar Corps leh Nl. Vanlaldiki Sailo te an zai a, Aizawl Bazar Corps Band ten Pathian fakna hla an tum bawk.

Chawhnu dar 3:30 ah Thenzawl Field Veng ah Khawlai inkhawm kan hmang a, Nl.Judy Lalfakzuali, Evangelism i/c in a kaihruai a, Band te, skit leh Worship dance te bakah Nl. Vanlaldiki Sailo zai te chu mipui tam takin an rawn thlir a, thuchah tawi fel takin inkhawm hruaitu hian a sawi bawk.

Chhandamna inkhawm ah Pu Chawngsangliana, Corps Secretary Thenzawl Bazar Corps in inkhawm a kaihruai a, Pu Robert VL Thlamuana’n Pathian thuchah a puangchhuak a, Band, Zaipawl ten hun kan hmang a, Pathian thuchah puanchhuah zawh hian Pathian fak leh chawimawiin hun kan hmang a, Nl. Judy Lalfakzuali leh ABC Worship team ten kaihruaiin hlim takin Pathian awmpuina in hun kan hmang a, hetiang hun hi Thenzawl Bazar Corps a din tirh atanga vawi khat an tawn na a ni.Thenzawl Bazar Corps SAY te tanpui nan Rs.2000/- kan pe. Thenzawl Salvation Army hi kum 1977 April ni 26 ah Aizawl Bazar Corps te leh Pu Lalauva, Baktawng te tangdunin an din tan a ni.

Zan inkhawm ban dar 10 pelh ah Aizawl pan tum in kan chhuak a, Thenzawl dai ah leiminin min dang avangin kan let leh a, mipa ho chu Biakin ah kan riakkhawm a, hmeichhe ho Home League Secretary leh CSM te inah an riak a, Thawhtan zingah chaw kan ei a, leimin thenfai a nih hnu zing dar 10:30 ah Thenzawl chu kan chhuahsan a, hawn kawngah hian harsatna tawk lo in chhun dar 1 ah Hmuifang tlang kan thleng a, ei leh in a kan chawlh hnu a tluang taka tlan zelin tlailam dar 5 ah Biak in kawt (RM Hall kawt) kan rawn thleng.

Thenzawl Visit tum

Youth Congress lo awm leh tur thleng tu tur Thenzawl Bazar Corps SAY ten Bazar Corps SAY te tlawh tura min sawmna chu SAY Council chuan tihhlawhtlinsak ngei tha a ti a, kal hun atan ni 11.9.2010 (Inrinni) ni se tih a ni.

Thenzawl Bazar Corps hian Bazar Corps SAY te an beiseina hi a rei tawh hle a, amaherawhchu hun remchang a awm mai thei lova, anmahni lam pawh an inbuatsaihna a nasa in Local channel velah pawh he visit programme inkhawm zawng zawng hi Live a tihchhuah an tum nghe nghe a ni. Hemi tur atan hian SAY member atam thei ang ber kal turin inbuatsaih ang.

A bik takin Band, Skit leh Worship Dance a tel thin te phei chu kal ngei ngei tur a ni. Inrinni ah intihhlimna leh Sports neih ho tur a ni a, Pathianni ah inkhawmna leh Fellowship a hun hman ho tura Programme ruahman a ni.

Bus Hire a kal tur a ni dawn a, member zawng zawng kal i tum theuh ang u. Kal dan tur leh a hun (dar) chu chiang zawkin la inhriattir leh a ni ang.

Family Sunday

Kar hmasa Ni 29.9.2010 Pathianni kha India Eastern Territory pumpuiah Family Sundaya hman a ni a, Bazar Corps ah pawh urhsun taka hman a niin inkhawm pawh an thahnem hle. Inkhawm hi Major Rochhungi CO in kaihruaiin Band in Pathian fakna hlamawi tak an rem a, Major Vanlalhuma CO in Pathian thuchah ropui tak, bengvarthlak tak leh sipaite tana tangkai, hman nghal mai theih a sawi bawk.
Family Sunday ah hian chhungkua a inkhawm kim te hnenah lawmman atan Sana lian banga tar chi pek an ni a, Corps lian vaklo tiat zet - chhungkaw 36 lai mai inkhawm kimin, lawmman leisa pawhin a daihlo hial a ni.

SAY Financial Report For The Month Of August, 2010

INCOME

1. Collection - 3389.00
2. Faith Promise - 16480.00
3. Missionary - 2450.00
4. Special Fund - 490.00
5. Literature - 1860.00
6. Music - 4500.00
7. Contingencies - 30220.00
TOTAL - 59389.00

EXPENDITURE - 21943.00

Worship Dance Competition Neih a Ni

by- Vanlaldiki Sailo, Drama i/c

Action Plana awm angin ni 30 August, 2010 (Thawntan) zan khan Bazar Corps SAY te chuan Brigade Worship Dance Competition kan nei a. Hemi zan hian hun hlimawm tak kan hmang a, inkhawm pawh kan thahnem in nu leh pa lam pawh in min tawiawm tha hle a ni.

He inkhawm hi Tv.Lalsangbera Asst. Drama i/c in a kaihruai a. Nl Ellen Lalengzuali Secy in thu puanna a nei a. Hemi zawh hian Pu C.Lalthlamuana Asst.Leader, hemi zana kan host in hun a rawn hmang zui a. Hneh takin Competition a rawn kaihruai a. Intihsiakna tan nghal a ni. English hla a intihsiakna neih hmasak a ni a. Major Lalthansanga Brigade ten bul rawn tanin Major Sangzuala Brigade ten an dawta, Major PC Thansanga Brigade in hnung an rawn dawl a. Sap hla bika Intihsiakna a zawh hnu hian Nl.Lalrindiki’n zaiin min awi a. Mizo hla a intihsiakna neih chhunzawm leh nghal a ni.

Mizo hla ah hi chuan Major PC Thansanga Brigade ten bul an rawn tan ve thunga, Major Sangzuala Brigade in an dawta a hnuhnung berah Major Lalthansanga Brigade an rawn lam ve thung a ni.

Intihsiakna neih zawh hnu hian Bazar Corps Beat group ten zai mawi takin min awi a, mipui lam thawm pawh a tha hle.

Judge pali ten uluk taka an endik a, point an pek hnu in result puanna neih a ni a. A hnuai kan han tarlan te hi Brigade te lawmman lak dan a ni.

Mizo
1st - Maj Lalthansanga Brigade
2nd - Maj P.C.Thansanga Brigade
3rd - Maj Sangzuala Brigade

English
1st - Maj P.C.Thansanga Brigade
2nd - Maj Sangzuala Brigade
3rd - Maj Lalthansanga Brigade.

Best Dancer (Female)
Marina Lalrintluangi (Maj.P.C.Thansanga Brigade)

Best Dancer (Male)
Erick Vanlalngaihsaka (Maj.Sangzuala Brigade)

Most Promising Dancer
Lalruatdiki (Maj Lalthansanga Brigade)

Tin, overall a champion chu Maj. P.C.Thansanga Brigade te an ni.Anni hian Rs.1500/- bakah Trophy mawi tak an la a, Lawmman pahnihna dawngtu Maj. Lalthansanga Brigade ten Rs.1000/- leh trophy an la bawk. Maj.Sangzuala Brigade ten lawmman pathumna la in, anni hian Rs.500/- leh Trophy an la bawk.Tin, Mimal lawmman dawngte pawhin Trophy mawi tak an dawng theuh a ni. Result puan zawh a ni hnu hian kan vai in ‘Zion Khawpui’ tih hla - Mizo hlathluk diktak mai mizo te lungkuai zawng tak mai hmangin Pathian faka lam hona ropui tak kan nei a, Vanlalhuma C.O. in tawngtaina in Worship Dance Competition chu kharna a nei ta a ni. Inkhawm ban hian Biakin chung zawlah thingpui tui tak inhona kan nei a, Worship Dance Competition chu khamlo takin kan tin ta a ni.

Kan sawi hmaih hauh loh tur chu he Competition hi huphurh tak chunga buatsaih a nih laiin kan beisei phak aia nasa in Pathianin hna a thawka, thalaite ah inlungrualna leh inpawhna thuk zawk a rawn thlena, tin, nidanga lam ngai lemlo talent nei tha tak tak haichhuahnan hman a ni bawk a, kan hlawkpui takzet a ni. LALPA CHU FAKIN AWM RAWH SE!!

All The World

India atanga Indonesia te, Ukraine atanga USA te, Salvation Army te hi Pathianin mi nun thlak danglam turin a hmang nasa em em a, thil thleng dik tak puanchhuahna leh thuhretu tha tak All The World - Salvation Army International Magazine hi i lo hre tawh ngai em?

Kumkhatah vawili (4) tihchhuah a ni a, khawvel hmun hrang hranga Salvationist te, rawngbawlna chi hrang hrang emergency relief te, development leh Community hna hrang hrangte kimchang taka tarlan thin a ni a, eitur semna hmun a ni emaw, hnathawhna tur - inthar sak a ni emaw, rehabilitation scheme leh community programme hrang hrang te awmna hmunah All The World chanchinbu chu a awm a. He chanchinbu hmang hian Pathian hnathawh ropui tak - mi nun thlakthleng vek thei chanchin te leh Salvation Army member thahnemngai tak tak te thawhrimna leh inpekna puanchhuah thin a ni.

The High Council

High Council hi General William Bootha’n kum 1904 ah General te an dinhmun atanga sawn/thlak an nih ve theihnana asiam a ni a, Salvation Army inkaihhruaina leh inrelbawlna a an mit a tlung tawk lo emaw, damlohna/hrisellohna avanga General thlak ngaia hriat anih chuan High Council an thukhawm a, a thlaktu tur an ngaihtuah thin. Amaherawh chu General William Booth khan General thlaktu tur chu General nilai mekin a ruat ang a ti a, mahse hetiang hian General pakhat chiah - General Bramwell Booth kha 1912 ah ruat a ni.

Kum 1928 November thla khan General Bramwell Booth kha IHQ ah thla sarih lai hrisel lohna avangin a inlan thei lova, chumi tum chuan High Council koh a ni a, member 63 awmna, active commissioners leh territory hrang hrang a hruaitute chu lokal khawmin London khaw dai a Sunbury Court ah ni 8 Jan 1929 khan General Bramwell Booth, chutih lai kum 73 mi chu hriselna that loh avangin amah thlaktu tur an ruat ta a. Tichuan February 1929 atangin Councilin an thlan hmasak ber ni turin Commr. Edward Hoggins chu General alo ni ta a ni.

Hun lo kal zelah Commissioners Conference chuan Salvation army Act 1931 chu Bristish Parliament kaltlangin dan pathum an lo duangchhuak a, chungte chu -1. Generalin ama thu in a aiawh a ruat theihna dan titawpin General thlaktu tur chu High Councilin a ruat tawh ang.2. General te kum zat a zira retire hun siam.3. Salvation Army trustee company pawl thil neih leh sum leh pai vawngtu dinin, a hma a Generalin thuneihna pumhlum a neih thin tihtawp.

High Council hi Chief of the Staff in a ko tlangpui thin a, UK chhungah khawi hmunah pawh an inhmukhawm thei a ni. Tuna Council memberte chu Commissioner tanglai zawng zawng te (General nupui tiam loin) leh Territorial Commander zawng zawngte an ni.

Central North Division Local Officer Rally Zawh A Ni Ta

- Major R. Lalbiakliana DS

India Eastern Territory a Division lian ber, Central North Division Local Officers’ Rally hmasa ber chu Dinthar Corps-ah March ni 13 & 14, 2010 khan neih a ni a, Rally palai 350 vel an kal khawm a ni. Ni 14 zan khan tluang taka zawh fel a ni.
-----------------------------------

Rally tan ni, ni 13.3.10 (Inrinni) kha Local Officer bik pual a ni a, he hunah hian mi pahnih hnen atanga paper present ngaihthlak leh sawiho a ni. Inkhawm hmasa zawk ah CSM L. Ramkinlova, President Division ACSAL hnen atangin “Local Officer leh Biak In chhung leh pawnlam Rawngbawlna” tih ngaihthlak a ni a, Chawhnu inkhawm ah CSM K. Lalluaia, Treasurer TACSAL hnen atangin “Local Officer leh Neitu Nihna” tih thupui hmanga a sawi chu ngaihthlak a ni ve thung a ni. Tlaiah ruaitheh nghal a ni bawk.

Zan inkhawm hi mipui pual a nih tawh avangin Local Officer ni lem lo pawh tam tak an inkhawm bakah Kanan Corps Band,Dawrpui Vengthar Corps SAY Songster, K. Vanlallawma, Durtlang Corps leh Dinthar Corps SAY Songster ten hun tha tak an hmang bawk.

Thianghlimna inkhawm chu Major F. Remthanga DYS-in hruaiin, Local Officer thar mi 22 te hnenah Commission Certificate leh Local Officer pathum hnenah retirement Certificate hlanna Major Sangchhunga DC in a nei a, ACSM PC Zoramsangliana, Dawrpui Vengthar Corps hnen atangin “Puitlin Lam I Pan ang u” tih thupui hmangin semon nung tak ngaihthlak a nih bakah Dinthar Corps Band, Catherine VL Hmangaihi, Dinthar Corps, Chaltlang Corps Band, Ramhlun Corps Band leh Division Songster ten hun an hmang bawk. Chawhnu inkhawmah hian CSM Rosangzuala, Secretary Division ACSAL hnen atangin “Local Officer Leh Chhiatni Thatni) tih thupui hmanga a thusawi chu ngaihthlak a ni a, Zan Chhandamna inkhawm ah Commr. Lalkiamlova IS in “Krista Taksa” tih hmanga sermon nung tak a sawi chu ngaihthlak a ni bawk. Bazar Corps Band, Chanmari ‘W’ Corps YP Songster, R. Lalruatfeli, Aizawl Bethel Corps lehAizawl Bethel Corps SAY Songster ten hun an hmang bawk.

A bul atanga atawp thlengin inkhawm boruak a tha a, thlengtu Corps leh bialte inpekna a ropui em em a ni. Item reng reng a tha em em vek bawk a ni. Major Sangchhunga DC hova Organising Committee te hmalakna chak tak avangin Pathian khawngaihna azarah he rally hi a hlawhtling takzet a ni.Local Officer, anmahni pual bik khawmpui ah pawh a kallo te kan hlep nasa in akal te erawhchuan Malsawmna an dawng thar nasa takzet a ni.