CORPS CADET CONGRESS 2009 REPORT

CORPS CADET CONGRESS 2009 REPORT
- CCG Lalruatdika Congress Secy

Ruahman lawk angin Corps Cadet Congress, 2009 chu tluang takin Saikuti Hall, Lunglei ah Dt.20-22.3.09 March khan neih zawh ani ta a, he hun atana tha leh zung leh sum leh pai sengtute zawng zawng chungah a hmasa in lawmthu kan sawi e.
Keini Bazar Corps Cadet te chu Corps Council in kan kalna tur atan Rs.26000/- min tum saka, Special Corps Cadet Pu F.Lalrinliana CLS chuan kalkawnga thingpui in na tur Rs.1000/- min pe bawk a kan lawm hle. Chubakah chuan Pi Zoramvuli chu rawngbawl turin a rawn in volunteer bawk a, a chungah kan lawm hle. Dt.20 March zing dar 6:00am ah CO in tawngtaiin min thlah a. Serchhip atangin Thenzawl road ah kalin tluang takin Lunglei chu dar 3:00 PM ah kan thleng a. Maj.ST Dula DC ten kan zavaiin min lo mikhual a, thlen in dang zawn ngai lovin min lo mikhual a, kan lawm hle. Zanah hian CCG & CO meeting neih ani a. A tuk Inrinni Chawhma ah Welcome meeting neih a nih zawh hnu in chawhnu lamah Kikawn leh Civil Hospital bulah te inthen in Mual Inkhawm neih a ni a. Civil Hospital bula Bazar Corps Cadet Halleluiah Chorus Marching chu mipui ten an hlut hle a. Congress Bulletin ah pawh an lam lai thlalak hi tarlan a ni. Mual Inkhawm zawhah hian Congress puala mi tanpuina pek ani a. Chungte chu:
1. KK Home 2. Baptist Church Orphanage
3. Bethel Centre 4. Dariela Centre
Zanah Bazar Corps Cadet te chuan Skit “VICTORY” tih an chang leh a, thlirtute mit a tlai hle.
Ni 22 March thianghlimna Inkhawm ah Officer tura inhlanna hun siam ani a. Hetah hian mi136 Officer turin an in hlan ani. Chawhnu ah Badge of Merit hlanna Inkhawmna neih a ni a. Bazar Corps atanga Merit dawng mi pali te-Bobby Lalrintluanga,William Chanchinmawia, Samuel Lalnunzira leh Andrew Vanengmawia te chu Tv. MS Dawngzuala ACCG- in Flag nen a rawn hruai lut a, a ropui danglam hle. Zan Final meetingah Bazar CO Bial Corps Cadet te chuan “INDONA” tih hla a phuahtu Rev.Killuaia hovin an sa a, a phuahtu hian ropui a tih em avangin a hla ruahtham loh chu Corps Cadet te sak turin min pe a kan lawm hle. He Final meeting ah hian request kan nih angin Halleluiah Chorus Marching chu Saikuti Hall Stage ah ropui tak a entir leh a ni bawk.
Congress neih tawh a la tih ngai loh tun tum Congress ah hian Corps Cadet zirzo tawh kum 70 chung lam la dam mi sawm(10) kan hriatte hnen ah LAWMPUINA pek an ni a. Bazar Corps atang pawhin Maj. PC Thansanga’n a dawng a, kan lawmpuiin kan chhuang hle. Tin, Congress kalna atan hian Manipur, Northern, Eastern Division leh Vathuampui Corps te chu tanpuina pek an ni bawk.
Congress chhung hian Overall Best Performance Award chu Northern Division Corps Cadet te hlan an ni bawk. Tin, Congress neih chhung hian Commr. Lalkiamlova IS te nupa leh Col.Samuel Charan TC te nupa hnen atangin Sermon benglut leh ropui tak tak ngaihthlak thin a ni bawk a, palai ten kan hlawkpui hle a ni. Tin, Territorial Songster ten inkhawm apiangin nung takin zai an kaihruai thin a, an item pawh a benglut hle. Tichuan Dt.23 March zing dar 6:00 ah Maj.Malsawmi DDWM, Southern Division in tawngtaiin min thlah a. Hnahthial lam ah lo haw in, Tuirial ah intihhlimna kan rawn nei haw a. Dar 6:00 PM ah RM Hall kan rawn thleng leh ta a ni. Kan thiltihna kawng engkim a min veng a, min hruaitu leh min awmpui tlat tu Pathian chu fakin awm rawh se.