SAY COUNCIL VAWI 4-NA NEIH A NI

Ni 18 February, 2009 khan SAY Office, Rust Memorial Complex-ah kum 2009-a SAY Council vawi 4-na neih a ni a. He council-ah hian member 16 an kal a. Engemaw harsatna avanga kal lo mi 4 an awm. An thurel tlangpui te:

1. BIAL SAY COUNCIL REPRESENT: Kum 2009 hian Bazar C.O. Bial SAY Council chu din leh a ni a. Bazar Corps SAY represent turin Dr. K. Lalhruaitluanga, Asst. Secretary leh Tv. David Lawmzuala, Council member te chu ruat an ni. Bial SAY Council hian ni 27 February, 2009 hian Commanding Officer Maj. Vanlalhuma kaihhruainain secret ballot hmangin inthlanna an nei ang.
2. CHARITY SPORTS: Bazar Corps SAY leh Bethlehem Corps SAY te chuan ni 14 March, 2009 hian Charity Sports neih tum a ni a. Items atan heng te hi thlanchhuah an ni a, hei hi Bethlehem Corps SAY te nen Joint Council neih hunah sawiho a ni ang.(1) Football (Men & Council member); (2) Poison ball (Men & Women mix); (3) Tug ofWar (Men & Women); (4) Penalty shootout (Women & Men - mipa inkhel ngai lo tan); (5) Volleyball (Women); (6) Relay Race (Mix); (7) 100 mtrs Race (Men & Women); (8) In buk (Men - 5 & Women - 5).
He Charity Sports-ah hian lawmman chu Player of the day chauh pek tum a ni a. Banner siam buaipui turin incharge ruat a ni a. Team Captain turin Pu C. Lalthlamuana, Fin.Secy. ruat a ni. Mi tanpui tur atan chuan rualbanlote an ni ang. Bethlehem Corps SAY te nen Joint Council neih thuai tum a ni.
3. SAY MEETING ZIRLAIBU: Kumin hian SAY meeting zirlaibu hi zir tawh ngei tum a ni a. March thla atanga zir tan a ni ang.
4. MUSIC & SOLFA CAMP: Hemi chungchang hi sawi nawn leh a ni a, he camp hi neih a nih hunah a tam thei ang ber kal tur a ni a. Council member te phei chuan ngaih pawimawh lehzual tur a ni.
5. STREET PREACHING REVIEW: Ni 16 February, 2009 (Thawhtan) zana Zodin Square-a Street preaching neih chu thlirlet a ni a. He rawngbawlna hi council chuan tha a ti a, neih chhunzawm zel tum a ni. Neih leh hunah chuan counselling pek ngai te pe tur bik inruat nise, Pathian thu tawi inziahna (Gospel tract) pawh sem ni se, a theih chuan chaw emaw thingpui emaw nghei a, mahni inphat chunga he rawngbawlnaah hian tel thei turin member te inbuatsaih nise, tiin Council chuan a rel a. Hemi zan hian hming hriat loh hnen atangin rawngbawlnan Rs. 1000.00 dawn a ni a.
6. FUND RAISING:. S.A.Y sumtuak nan blanket suin inhlawh leh tum a ni a. He inhlawh hi ni 6 March, 2009 (Friday) zanah neih a ni ang. Council member ten a hmain blanket suk tur hi lo khawnkhawm lawk nise, tiin Council chuan a rel bawk.
Heng te hi rel zawh a nih hnuah Chairman Pu Robert V.L. Thlamuana, SAY Leader chuan tawngtai turin Nl. Ellen Lalengzuali, SAY Secretary chu a sawm a, Council hi tih tawp a ni.